Davlat granti tizimi o’zgardi: Endi grant 1 yilga beriladi

Oliy ta'limda yangi tartib: Davlat granti tizimi o'zgardi

Oliy ta'lim muassasalariga kirish va grantlarni taqsimlash bo'yicha muhim o'zgarishlar joriy etildi. Endilikda abituriyentlar va talabalar uchun yangi qoidalar amal qiladi.

Yuqori ball to'plagan abituriyentlar uchun imkoniyat

Yangi tartibga ko'ra, muayyan yo'nalish bo'yicha eng yuqori ball to'plagan abituriyent, tanlagan oliy ta'lim muassasasidan qat'i nazar, davlat grantiga tavsiya etiladi. Bu o'zgarish abituriyentlarning kirish ballari yo'nalishlar kesimida adolatli taqsimlanishiga xizmat qiladi.

Davlat granti endi bir yilga beriladi

Eng muhim yangilik shundaki, davlat granti endi 4 yilga bitta talabaga biriktirib qo'yilmaydi. Grantlar har yili yuqori o'zlashtirish ko'rsatkichlariga ega bo'lgan talabalar o'rtasida qayta taqsimlanadi.

• Grantlar har o'quv yili yakunida qayta baholanadi.
• O'zlashtirishi past bo'lgan talabalar grantdan mahrum bo'lishi mumkin.
• Yuqori natija ko'rsatgan talabalar kontrakt asosida o'qiyotgan bo'lsa ham grantga o'tish imkoniyatiga ega bo'ladi.

Ushbu yangilik bo'yicha o'z fikringizni izohlarda qoldiring!