Xorijda yashovchi vatandoshlar uchun 30 ta davlat granti

Xorijda istiqomat qilayotgan yosh vatandoshlar uchun 30 ta davlat granti

O‘zbekiston Respublikasi Prezidentining farmoyishiga asosan, xorijda yashayotgan va o‘zbek tili, adabiyoti, tarix, madaniyat hamda san’at yo‘nalishlarida tahsil olishni istagan yoshlar uchun 30 ta davlat granti ajratildi.

Tanlovda ishtirok etish shartlari

Grant tanlovlarida qatnashish uchun talabgorlar quyidagi talablarga javob berishi lozim:

• Talabgor, uning ota-onasi yoki ajdodlari (bobo va momosi) etnik o‘zbek yoki qoraqalpoq bo‘lishi hamda hozirda xorijda istiqomat qilishi;
• Talabgorning yoshi 30 dan oshmagan bo‘lishi;
• O‘zbek tilini mukammal bilishi.

Tanlovlar kasbiy imtihonlar va test sinovlari orqali o‘tkaziladi. Eng yuqori ball to‘plagan nomzodlar grant sohibiga aylanadi. Arizalar 2024-yilning 20-oktabrigacha qabul qilinadi.

Grant ajratilgan yo‘nalishlar va oliygohlar

Grantlar o‘zbek tili va adabiyoti, tarix, madaniyat, san’at va hunarmandchilik kabi ustuvor sohalar uchun ajratilgan. O‘quv jarayonlari uchun oliygohlar kirish ballari va tizimini o‘rganish muhim ahamiyatga ega. Siz ushbu yo‘nalishlar bo‘yicha kirish ballari yo'nalishlar kesimida ma'lumotlarni tekshirib olishingiz mumkin.

Grantga ega bo‘lish mumkin bo‘lgan oliy ta'lim muassasalari:

1. Buxoro davlat pedagogika instituti
2. Buxoro davlat universiteti
3. Chirchiq davlat pedagogika universiteti
4. Denov tadbirkorlik va pedagogika instituti
5. Farg‘ona davlat universiteti
6. Guliston davlat pedagogika instituti
7. Guliston davlat universiteti
8. Jizzax davlat pedagogika universiteti
9. Milliy rassomlik va dizayn instituti
10. Namangan davlat pedagogika instituti
11. Namangan davlat universiteti
12. Navoiy davlat pedagogika instituti
13. Nukus davlat pedagogika instituti
14. O‘zbek milliy musiqa sanʼati instituti
15. O‘zbekiston davlat konservatoriyasi
16. O‘zbekiston davlat konservatoriyasi Nukus filiali
17. O‘zbekiston davlat sanʼat va madaniyat instituti
18. O‘zbekiston davlat sanʼat va madaniyat instituti Nukus filiali
19. O‘zbekiston Milliy universiteti
20. O‘zbekiston-Finlyandiya pedagogika instituti
21. Qarshi davlat universiteti
22. Qo‘qon davlat pedagogika instituti
23. Qoraqalpoq davlat universiteti
24. Samarqand davlat chet tillar instituti
25. Samarqand davlat universiteti
26. Samarqand davlat universiteti Kattaqo‘rg‘on filiali
27. Samarqand davlat universiteti Urgut filiali
28. Shahrisabz davlat pedagogika instituti
29. Termiz davlat pedagogika instituti
30. Termiz davlat universiteti
31. Toshkent davlat o‘zbek tili va adabiyoti universiteti
32. Toshkent davlat pedagogika universiteti
33. Urganch davlat pedagogika instituti
34. Urganch davlat universiteti

Batafsil ma’lumot uchun infoedu.uz saytiga tashrif buyuring.