Tojikiston prezidenti Emomali Rahmon Tursunzoda shahriga ish safari chog‘ida o‘zbek aholisi uchun o‘zbek tilida o‘qitiladigan ta’lim muassasalari qurish va ularni ona tilidagi darsliklar bilan ta’minlashni topshirdi, deya xabar bermoqda “Xovar” axborot agentligi.
Prezident yana nimalarga e’tibor qaratdi?
Tursunzoda shahridagi 21-sonli umumta’lim muassasasi ochilishida qatnashgan davlat rahbari qurilish ishlari sifatini yuqori baholadi. U pedagoglarni zamonaviy fanlar, yangi texnika va texnologiyalardan samarali foydalanish, tabiiy, aniq va matematika fanlari hamda xorijiy tillarni chuqur o‘rganishga e’tibor berishga chaqirdi.
Reklama
Tursunzodada ta’lim qanday ahvolda?
Hozir Tursunzoda shahrida 132 ta umumta’lim muassasasi faoliyat yuritib, ularda 78 863 nafardan ortiq o‘quvchi ta’lim oladi.
Tojikiston mustaqilligining 35 yilligi bayramiga tayyorgarlik doirasida esa Tursunzodada 24 ta ta’lim muassasasi qurilishi rejalashtirilgan. Hozirgacha ulardan 19 tasi — jami 8 185 o‘rinli maktab binolari ishga tushirilgan.
Avvalroq Tojikiston fuqarolari uchun ajratilgan grant kvotalari haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.