Talaba o‘qish bilan birga ishlashi mumkinmi?
Ko‘plab abituriyentlar va talabalar uchun eng dolzarb savollardan biri: talaba ham o‘qib, ham ishlashi mumkinmi? Qisqacha javob: Ha, qonunchiligimizda bunga hech qanday cheklov yo‘q.
Oliy taʼlim to‘g‘risidagi nizomning 50-bandiga muvofiq, kunduzgi taʼlim shaklida tahsil olayotgan talabalarga darsdan bo‘sh vaqtlarida (odatda kunning ikkinchi yarmida) ham oliy taʼlim muassasasida, ham boshqa tashkilotlarda mehnat shartnomasi asosida ishlashga ruxsat etiladi.
Talabalarning mehnat huquqlari
Amaldagi Mehnat kodeksining 248-moddasiga ko‘ra, taʼlim muassasalarida o‘qiyotgan xodimlarga ishni taʼlim bilan birga qo‘shib olib borishlari uchun ish beruvchi zarur sharoitlarni yaratib berishi shart. Bu talabalar uchun o‘z bilimlarini amaliyotda qo‘llash va moliyaviy mustaqillikka erishish uchun ajoyib imkoniyatdir.
Qo‘shimcha ma’lumotlar uchun talabalar uchun foydali resurslarimizni kuzatib boring.
Talabalar qachon maktabda dars bera oladi?
Hukumatning 15.10.2021 yildagi 646-son qaroriga asosan, pedagogika yo‘nalishlarida kunduzgi, kechki va sirtqi bo‘limlarning 3-kursida tahsil olayotgan talabalarga maktablarda dars berish huquqi berilgan. Agar siz o‘qituvchilik faoliyatini boshlamoqchi bo‘lsangiz, maktab darsliklarini yuklab olish orqali dars jarayoniga tayyorgarlik ko‘rishingiz mumkin.
- Talaba mehnat shartnomasi asosida ishlay oladi.
- Ish beruvchi o‘quv jarayoniga mos sharoit yaratishi kerak.
- 3-kursdan boshlab pedagogika talabalari maktabda dars berishi mumkin.
Bu yangilik sizga qanday taʼsir qildi? Fikringizni yozib qoldiring.
Izohlar (0)
Izoh yozish uchun tizimga kiring.