Angliyada spirtli ichimlik ta'sirida ishlagan o'qituvchi kasbdan butunlay chetlashtirildi. Tina Digby ismli 47 yoshli boshlang'ich sinf o'qituvchisiga nisbatan Ta'limni tartibga solish agentligi (TRA) hay'ati tomonidan taqiq qarori chiqarildi.
Hay'at Digby 2023-yil 4-oktabrda Slough shahridagi Colnbrook cherkov maktabida ertalabki yig'ilish paytida dars berishga yaroqsiz bo'lganini aniqladi. Hamkasblari uning so'zlari chigallashayotganini, ko'zlari xiralashganini va kuchli spirtli ichimlik hidi kelayotganini qayd etgan.
Yana qanday qoidabuzarliklar aniqlandi?
Reklama
O'qituvchi "ta'lim muhitida hech qachon spirtli ichimlik ichmaganman" deb da'vo qilgan va kechasi ikkita katta stakan vino ichganini tan olgan. Hamkasbi o'quvchilar xavfsizligidan xavotirlanib, uni uyga jo'natgan.
Bundan tashqari, hay'at Digby maktabga ishga kirishda boshqa TRA tekshiruvi davom etayotganini yashirganini hamda yuqori lavozimli hamkasbi bu haqda so'raganida protsedura yopilgan deb yolg'on aytganini aniqladi — bu ataylab yashirish harakati sifatida baholandi.
Hay'at uning xatti-harakati kasb standartlaridan sezilarli darajada past ekanini, pushaymonlik izohi yo'qligini ta'kidladi. 2026-yil 17-iyulda davlat kotibi nomidan qaror qabul qilib, Digbyni noma'lum muddatga kasbdan chetlashtirdi. U 2030-yil iyuldan boshlab taqiqni bekor qilish uchun murojaat qilishi mumkin.
Ma'lumot BBC News nashridan olindi. Avvalroq xorijiy maktablardagi intizom qoidalari haqida yozgan edik. InfoEdu.uz jahon ta'limidagi muhim voqealarni yoritishda davom etadi.
Izohlar (0)
Izoh yozish uchun tizimga kiring.