Tibbiyot talabalariga 990 ming so'mlik stipendiya
Yangi o'quv yilidan boshlab tibbiyot oliygohlari va medtexnikumlarda tahsil olayotgan iqtidorli talabalar uchun qo'shimcha rag'batlantirish tizimi joriy etildi. Endilikda talabalar BHMning 3 baravari miqdorida, ya'ni 990 ming so'm miqdorida stipendiya olishlari mumkin.
Stipendiyani kimlar olishi mumkin?
Ushbu stipendiya barcha talabalar uchun emas, balki xorijiy tillarni yuqori darajada o'zlashtirganlar uchun mo'ljallangan. Talablar quyidagicha:
- IELTS sertifikati bo'yicha kamida 7,5 ball;
- Boshqa xalqaro til sertifikatlari bo'yicha kamida C1 darajasi.
Muhim jihati shundaki, stipendiya til sertifikatining amal qilish muddati tugagunga qadar to'lab boriladi. Hozirgi kunda yurtimizdagi oliygohlar va texnikumlarda ushbu talabga javob beradigan 56 nafar talaba mavjud.
Kelajak uchun imkoniyat
Ushbu yangilik tibbiyot yo'nalishidagi yoshlarni chet tillarini chuqurroq o'rganishga va xalqaro darajadagi bilimlarni egallashga undaydi. Agar siz ham kelajakda shunday imtiyozlarga ega bo'lishni istasangiz, til sertifikatlarini qo'lga kiritishga vaqt ajrating. Talabalar uchun taqdim etilayotgan bunday imkoniyatlardan unumli foydalaning.
Batafsil ma'lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.