O‘qishni ko‘chirish uchun qanday hujjatlar kerak?
O‘qishini boshqa oliy ta’lim muassasasiga ko‘chirmoqchi bo‘lgan talabalar yangi oliygohga topshirishi lozim bo‘lgan hujjatlar ro‘yxati bilan batafsil tanishib chiqishlari kerak. Agar siz talabalar uchun foydali ma’lumotlar izlayotgan bo‘lsangiz, ushbu qo‘llanma sizga yordam beradi.
Barcha talabalar uchun umumiy hujjatlar
- O‘rta ma’lumot to‘g‘risidagi attestat yoki diplom (asli);
- O‘qishga qabul qilinganligi to‘g‘risida buyruqdan ko‘chirma;
- Kursdan-kursga o‘tganligi to‘g‘risida buyruqdan ko‘chirma;
- Talabalar safidan chetlashtirilganligi to‘g‘risida buyruqdan ko‘chirma;
- Akademik ma’lumotnoma yoki transkript;
- Shaxsni tasdiqlovchi hujjatdan nusxa;
- 3x4 o‘lchamdagi rasm (4 dona).
Qo‘shimcha hujjatlar (alohida holatlar uchun)
O‘qishni ko‘chirish jarayonida ba’zi sabablarga ko‘ra qo‘shimcha hujjatlar talab etiladi. Kirish ballari yo'nalishlar kesimida o‘rganish orqali yangi oliygohingiz haqida ham ma’lumot olishingiz mumkin.
Turmush qurish munosabati bilan:
- Turmush o‘rtog‘ining shaxsini tasdiqlovchi hujjat;
- Turmush o‘rtog‘ining doimiy yashash joyi to‘g‘risida ma’lumotnoma;
- Nikoh guvohnomasi.
Davlat xizmatchisi ish joyi o‘zgargani sababli:
Agar davlat xizmatchisi ota yoki ona bo‘lsa:
- Ota-onaning shaxsini tasdiqlovchi hujjat;
- Talabaning tug‘ilganlik haqida guvohnomasi;
- Ish joyi o‘zgargani to‘g‘risida tegishli vazirlik ma’lumotnomasi.
Agar davlat xizmatchisi turmush o‘rtog‘i bo‘lsa:
- Turmush o‘rtog‘ining shaxsini tasdiqlovchi hujjat;
- Nikoh guvohnomasi;
- Ish joyi o‘zgargani to‘g‘risida tegishli vazirlik ma’lumotnomasi.
⚠️ Muhim eslatma: Qalbaki yoki noto‘g‘ri hujjatlar taqdim etilgan taqdirda, o‘qish ko‘chirilishi bekor qilinishi mumkin. Ushbu ma’lumotlar rasmiy manbalardan olingan.
Izohlar (0)
Izoh yozish uchun tizimga kiring.