Talaba bitta oliygohda o'qiyapti. OTMlarga qabul jarayonida u yana hujjat topshirgan. Yangi oliygohga qabul qilinsa — nima bo'ladi? Bu savol ko'pchilik talabani qiziqtiradi.
Avvalo aniqlik kiritamiz: bu yerda gap bir vaqtning o'zida ikkita oliygohda o'qish yoki ikkita oliygohga birdan hujjat topshirish haqida emas. Gap — allaqachon talaba bo'lgan shaxsning yana OTMlarga qabul jarayonida ishtirok etishi va qabul qilinishi oqibati haqida ketmoqda.
Qabul qilinsa nima bo'ladi?
Reklama
Talaba yangi oliygohga qabul qilingan taqdirda, o'qishni yangi oliygohda davom ettirish uchun avvalgi oliygohdan hujjatlarini olib chiqishi, ya'ni talabalar safidan chiqishi kerak bo'ladi.
Buning sabablari quyidagicha:
- Diplom asl nusxasi: yangi oliygohga qabul qilinayotganda maktab, litsey yoki kollej diplomining originali talab qilinadi. Asl nusxa faqat bitta joyda bo'lishi mumkin — avvalgi oliygohdan olinib, yangisiga topshiriladi;
- HEMIS tizimi: barcha talabalarning ma'lumotlari HEMIS axborot tizimida yuritiladi. Tizim bir kishini bir vaqtda ikkita kunduzgi ta'lim yo'nalishida talaba sifatida ro'yxatga olmaydi.
Qanday qadamlar tashlash kerak?
Yangi oliygohga qabul qilinganingiz haqidagi natijalar e'lon qilingach, avvalgi oliygohning dekanatiga murojaat qilib, hujjatlaringizni olishingiz va talabalar safidan chiqishingiz lozim. Shundan so'ng yangi oliygohga hujjatlarni topshirib, o'qishni boshlashingiz mumkin.
Ya'ni yakunda talaba bitta oliygohda qoladi — avvalgisida emas, yangisida. Avvalroq bir vaqtning o'zida 2 ta oliygohda o'qish masalasi haqida yozgan edik. InfoEdu.uz talabalar uchun muhim ma'lumotlarni yoritishda davom etadi.
Izohlar (0)
Izoh yozish uchun tizimga kiring.