Xorijiy davlatlardagi oliy ta'lim muassasalaridan O'zbekiston Respublikasidagi davlat va nodavlat oliy ta'lim muassasalariga o'qishni ko'chirish (perevod) faqatgina belgilangan tartibdagi maxsus test sinovlari yoki kasbiy va ijodiy imtihonlar asosida amalga oshiriladi.
Amaldagi qonunchilikda test sinovlarisiz o'qishni ko'chirishning hech qanday aylanma yoki norasmiy yo'li mavjud emas. Bu xorijdan ko'chishni rejalashtirgan talabalar uchun asosiy shart hisoblanadi.
Ko'chirishning qonuniy tartibi
Reklama
Xorijiy oliygohdan o'qishni ko'chirishda talabgor maxsus test sinovlaridan o'tadi; kasbiy yoki ijodiy imtihon qo'llaniladigan yo'nalishlarda esa shu imtihonlar natijasi asos qilinadi. Arizalar elektron platforma orqali topshiriladi, hujjatlarni qog'oz shaklda yig'ib yurish talab etilmaydi.
Perevod muddatlari, imtihon fanlari va hujjatlar bo'yicha eng ko'p beriladigan savollarga javoblar alohida maqolada jamlangan.
Soxta va'dalar va noqonuniy vositachilar
Ayrim noqonuniy vositachilar va shubhali konsalting firmalari “Imtihonsiz ko’chirib beramiz” yoki “100% kafolat beramiz” kabi va'dalar bilan fuqarolarning ishonchiga kirishga urinmoqda. Bunday takliflarning qonuniy asosi yo'q, chunki test sinovlarisiz ko'chirish tartibi qonunchilikda nazarda tutilmagan.
Shu sababli xorijiy oliygohdan ko'chishni rejalashtirganlarga hujjatlarni faqat rasmiy platformalar yoki oliy ta'lim muassasalarining qabul komissiyalari orqali topshirish tavsiya etiladi. Test sinovlari natijalari va ruxsatnomalar bo'yicha ma'lumotlar rasmiy e'lonlarda e'lon qilinadi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring