1-oktabr — O'qituvchi va murabbiylar kuni yaqinlashmoqda. Shu bayram munosabati bilan umumta'lim muassasalari xodimlariga, jumladan rahbar xodimlarga 1 million 20 ming so'mgacha miqdorida mukofot puli beriladi. Bu Prezidentning “Maktabgacha va maktab ta’limi sohasida boshqaruv tizimi samaradorligini oshirishning qo’shimcha chora-tadbirlari to’g’risida”gi PF-51-son farmoni bilan belgilandi.
O'qituvchi va murabbiylar kuni har yili 1-oktabrda nishonlanadi. Nizomga ko'ra, xodimlar faqat shu sana munosabati bilan Jamg'armaning mavjud mablag'lari hisobidan mukofotlanishi mumkin.
Mukofotning hisob-kitobi
Reklama
Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomning 29-bandiga ko'ra, mukofot miqdorini hisoblashda o'qituvchining oylik maoshi emas, balki mehnatga haq to'lashning eng kam miqdori asos qilinadi.
| Ko'rsatkich | Qiymat |
|---|---|
| Mehnatga haq to'lashning eng kam miqdori | oyiga 1 360 000 so'm |
| Mukofot chegarasi | eng kam miqdorning 75 foizigacha |
| Mukofotning eng yuqori miqdori | 1 020 000 so'mgacha |
Kimlarga beriladi
Mukofot umumta'lim muassasalari xodimlariga, shu jumladan rahbar xodimlarga beriladi. Avvalgi tartibda bu chegara mehnatga haq to'lashning eng kam miqdorining 50 foizigacha etib belgilangan edi; PF-51-son farmon bilan u 75 foizgacha oshirildi.
Litsey va texnikumlar xodimlarining tarif stavkalari haqida alohida maqolada yozilgan.
Izohlar (0)
Izoh yozish uchun tizimga kiring.