O'qishni ko'chirish bo'yicha arizasi rad etilgan talabalarga qo'shimcha imkoniyat berildi. Ularga 10-avgustgacha arizalarni qayta tahrirlash imkoniyati yaratildi.
Davlat oliygohlariga o'qishni ko'chirish bo'yicha belgilangan muddatlarda va tartibda ro'yxatdan o'tgan fuqarolarning arizalari ko'rib chiqilgan. Ayrim arizalar kamchiligi borligi sababli rad etilgan.
Tahrirlash muddati qachongacha?
Reklama
Fuqarolarga qo'shimcha imkoniyat berish maqsadida ko'chirish bo'yicha ariza yuborgan, lekin arizasi rad etilgan talabalarga 10-avgustgacha arizalarni qayta tahrirlash imkoniyati yaratildi.
Ushbu muddatdan so'ng tahrirlashga yo'l qo'yilmaydi. Kamchiliklar bartaraf etilmagan arizalar ko'rib chiqilmaydi, shuning uchun arizani muddat tugashidan oldin tahrirlash muhim.
Ariza qaysi platformada tahrirlanadi?
Ko'chirish turiga qarab ariza ikki xil platformada tahrirlanadi:
- my.uzbmb.uz platformasi orqali — xorijiy va nodavlat oliygohlaridan davlat oliygohlariga ko'chirish;
- transfer.edu.uz platformasi orqali — davlat oliygohlariaro va oliygoh doirasida ko'chirish.
Eslatib o'tamiz, avvalroq nodavlat OTMlarga o'qishni ko'chirish muddati uzaytirilgani edi. Ko'chirish jarayoni bo'yicha barcha yangiliklarni InfoEdu.uz orqali kuzatib borishingiz mumkin.
Izohlar (0)
Izoh yozish uchun tizimga kiring.