Oltin va kumush medal: Kimlar uchun mo‘ljallangan?
Maktab bitiruvchilari uchun ta’limdagi erishilgan yutuqlarining e’tirofi sifatida beriladigan oltin va kumush medallar aniq mezonlar asosida topshiriladi. Ushbu maqolada medallarni olish uchun qo‘yiladigan asosiy talablarni ko‘rib chiqamiz.
Oltin medalni qo‘lga kiritish shartlari
Oltin medal – bu o‘quvchining maktab davridagi yuqori ko‘rsatkichlari uchun beriladigan eng oliy mukofotdir. U quyidagi talablarga javob bergan bitiruvchilarga beriladi:
- 9-sinfni a’lo darajali shahodatnoma bilan tamomlagan bo‘lish;
- 10- va 11-sinflarda barcha fanlardan yakuniy nazorat, choraklik va yillik baholari a’lo bo‘lishi;
- Namunali xulq-atvorga ega bo‘lish;
- Jamoat ishlarida faollik ko‘rsatish.
Eslatib o‘tamiz, OTMga kirish jarayonida kirish ballari yo'nalishlar kesimida ma'lumotlarga ega bo'lish abituriyentlar uchun juda muhim.
Kumush medal olish tartibi
Kumush medal uchun talablar oltin medalga nisbatan biroz soddaroq: bitiruvchining 10- va 11-sinflardagi yillik baholari a’lo bo‘lishi kifoya qiladi. Medallarni belgilangan tartib va mezonlar asosida topshirishga maktab direktori shaxsan javobgardir.
Muhim eslatma
Maktabni muvaffaqiyatli tamomlagan o‘quvchilar o‘z bilimlarini DTM standartidagi test tizimi orqali sinab ko‘rishlari mumkin. Ta’lim sohasidagi barcha yangiliklar va o‘zgarishlarni kuzatib boring.
Izohlar (0)
Izoh yozish uchun tizimga kiring.