Elektron shahodatnoma: Yangi tartib haqida
O‘zbekiston ta’lim tizimida raqamlashtirish jarayonlari davom etmoqda. Endilikda maktab bitiruvchilari qog‘oz ko‘rinishidagi shahodatnoma kutib o‘tirishmaydi. Barcha ma’lumotlar elektron bazaga o‘tkazilgan.
Elektron shahodatnomani qanday yuklab olish mumkin?
Bitiruvchilar o‘z shahodatnomalarini e-shahodatnoma.uz platformasi orqali bepul yuklab olishlari mumkin. Buning uchun quyidagi qadamlarni bajaring:
- Platformaga kiring;
- Pasport, ID karta yoki tug‘ilganlik guvohnomasi ma’lumotlarini kiriting;
- Hujjatni yuklab oling.
Ushbu tizimning qulay tomoni shundaki, agar shahodatnoma yo‘qolsa, uni istalgan vaqtda qayta yuklab olish imkoni mavjud.
Muhim eslatmalar
Internet qamrovi yetib bormagan chekka hududlardagi maktab bitiruvchilari uchun shahodatnomalar maktab ma’muriyati tomonidan yuklab olinib, qog‘oz shaklida taqdim etiladi.
Agar hujjatda xatolik aniqlansa, bitiruvchi o‘zi o‘qigan maktabga murojaat qilishi kerak. Asosli xatoliklar aniqlanganda, tizim orqali yangi shahodatnoma shakllantirib beriladi.
Abituriyentlar uchun foydali ma'lumotlar
Maktabni bitirib, oliy ta'lim muassasalariga kirishni rejalashtirayotganlar uchun quyidagi resurslar asqotadi:
- Oliygohlar kirish ballari bilan tanishib chiqing.
- Sizni qiziqtirgan kirish ballari yo'nalishlar kesimida ma'lumotlarni o'rganing.
Siz bu yangilikka qanday qaraysiz? Fikr va mulohazalaringizni izohlarda qoldiring.
Izohlar (0)
Izoh yozish uchun tizimga kiring.