Maktab bitiruvchilari oliy ta'limda: 2023-yil statistikasi
2023-yilda oliy ta'lim muassasalariga kirish imtihonlarida umumta'lim maktablarining joriy yilgi bitiruvchilari yuqori natijalarni qayd etdi. Maktabgacha va maktab ta’limi vaziri Hilola Umarovaga ko‘ra, abituriyentlarning 303 mingdan ortig‘i aynan maktab bitiruvchilari bo‘lib, ularning 95 497 nafari talaba bo‘lish baxtiga muyassar bo‘lgan.
Davlat granti va o‘qishga kirish ko‘rsatkichlari
Joriy yilda davlat granti uchun ajratilgan 34 930 ta kvotaning 77 foizi, ya’ni 26 884 nafar o‘rin maktab bitiruvchilari hissasiga to‘g‘ri keldi. Bu o‘tgan yilga nisbatan 3 537 taga ko‘pdir.
- Oliy ta'limga kirish imkoniyatlarini baholash uchun oliygohlar kirish ballari bilan tanishib chiqing.
- Siz ham abituriyentlar uchun foydali resurslarimizdan foydalanib, tayyorgarlik darajangizni oshiring.
Ta’lim sifatidagi ijobiy o‘zgarishlar
O‘quvchilarning bilim samaradorligi yildan-yilga oshib bormoqda. Xususan:
- O‘rtacha ball 77,1 ni tashkil etib, 2021-yilga nisbatan 3 ballga o‘sgan.
- Minimal o‘tish ballidan past natija ko‘rsatganlar soni sezilarli darajada kamaygan.
- Yuqori natija ko‘rsatgan abituriyentlarning 20 873 nafari maktab bitiruvchilaridir.
Shuningdek, har yili o‘rtacha 44 ming nafar bitiruvchi nodavlat yoki xorijiy oliy ta'lim muassasalari talabasi bo‘lmoqda. Bu esa maktab bitiruvchilarining ta'limga bo‘lgan qiziqishi va salohiyati ortib borayotganini ko‘rsatadi.
Izohlar (0)
Izoh yozish uchun tizimga kiring.