Yaponiyada ta’lim olish: MEXT stipendiyasi haqida
Yaponiya hukumati tomonidan taqdim etiladigan MEXT stipendiyasi xalqaro talabalar uchun ajoyib imkoniyatdir. Ushbu grant dasturi Tokio universitetida magistratura va doktorantura bosqichida tahsil olishni istagan iqtidorli yoshlarni qo‘llab-quvvatlaydi.
Stipendiya dasturining afzalliklari
Dastur nafaqat kontrakt to‘lovini qoplaydi, balki talabalarga oylik stipendiya ham ajratadi:
- Magistrlar uchun: 144.000 iyen oylik stipendiya;
- Doktorantlar uchun: 145.000 iyen oylik stipendiya;
- Yaponiyaga borish xarajatlari qoplanadi;
- Kontrakt to‘lovidan to‘liq ozod etilish.
Agar siz talabalar uchun xalqaro grantlar va imkoniyatlarni kuzatib borsangiz, ushbu dastur kelajakdagi karyerangiz uchun muhim qadam bo‘lishi mumkin.
Kimlar topshira oladi?
Nomzodlarga qo‘yiladigan asosiy talablar:
- A’lo baholarga ega bakalavr yoki magistr diplomiga ega bo‘lish;
- Ingliz tilidan kamida B2 yoki Yapon tilidan N2 darajadagi sertifikat;
- 1987-yil 2-oktyabrdan keyin tug‘ilgan bo‘lish;
- Sog‘lom va yuqori akademik salohiyatga ega bo‘lish.
Ariza topshirish jarayoni
Hujjatlarni topshirish uchun quyidagi fayllarni tayyorlashingiz kerak:
- Ariza shakli;
- O‘qish va tadqiqot rejasi (RO‘YXAT);
- Diplom baholari, pasport nusxasi va tavsiyanoma.
Dastur haqida to‘liq ma’lumot va bekor qilinishi mumkin bo‘lgan holatlar bilan BATAFSIL tanishib chiqing. Shuningdek, abituriyentlar uchun taqdim etilayotgan boshqa yangiliklarni ham kuzatib boring.
Ma’lumotlar rasmiy manbalardan olingan.
Izohlar (0)
Izoh yozish uchun tizimga kiring.