Magistratura qizlar kontraktini davlat to‘laydimi?
Ko‘plab talaba qizlarni qiziqtirgan savolga aniqlik kiritamiz: Ha, magistratura bosqichida o‘qiyotgan xotin-qizlarning kontrakt-to‘lovlari davlat tomonidan qaytarish shartisiz qoplanadi. Ushbu imtiyoz qishki qabulda o‘qishga kirganlarga ham tegishli.
Huquqiy asoslar
Ushbu tartib quyidagi normativ-huquqiy hujjatlar asosida amalga oshiriladi:
- Prezidentning 2022-yil 7-martdagi PF-87-son farmoni;
- Hukumatning 2022-yil 15-avgustdagi 447-son qarori.
Mazkur imtiyoz Prezident huzuridagi Davlat boshqaruv akademiyasi, Bosh prokuratura akademiyasi, Biznes va tadbirkorlik oliy maktabi hamda Bank-moliya akademiyasi magistraturasida tahsil olayotgan xotin-qizlarga ham tatbiq etiladi. Oliy ta'lim muassasalari haqida batafsil ma'lumotlarni oliygohlar kirish ballari sahifasidan olishingiz mumkin.
Kimlarga bu imtiyoz berilmaydi?
Quyidagi hollarda kontrakt to‘lovlari davlat tomonidan qoplanmaydi:
- Tegishli tartibda ariza bermagan talabalarga;
- Tabaqalashtirilgan to‘lov-kontrakt (super-kontrakt) to‘lovlariga;
- Nodavlat oliy ta'lim tashkilotlarining magistraturalariga.
Talabalik davri va imtiyozlar haqidagi yangiliklardan xabardor bo‘lish uchun talabalar uchun ruknimizni kuzatib boring.
Izohlar (0)
Izoh yozish uchun tizimga kiring.