JACAFA stipendiyasi: Talabalar uchun 110$ oylik grant

JACAFA stipendiya dasturi: Talabalar uchun ajoyib imkoniyat

Iqtidorli va yetakchilik salohiyatiga ega talabalarni qo‘llab-quvvatlash maqsadida tashkil etilgan JACAFA The Nippon Foundation Scholarship Program stipendiya dasturiga arizalar qabul qilinmoqda. Bu grant ijtimoiy fanlar, IT va muhandislik yo‘nalishlarida tahsil olayotgan talabalar uchun mo‘ljallangan.

Stipendiya dasturining manfaatli jihatlari

• 2 o‘quv yili davomida oyiga 110 AQSH dollari miqdorida stipendiya.
• Markaziy Osiyo davlatlarida o‘tkaziladigan tadbirlarda ishtirok etish.
• Dasturni muvaffaqiyatli yakunlaganlar uchun barcha xarajatlari qoplangan Yaponiyaga sayohat imkoniyati.
• Bitiruvchilar uchun kichik loyihalar uchun 10 000 dollargacha grant olish imkoniyati.

Nomzodlarga qo‘yiladigan asosiy talablar

Dasturda ishtirok etish uchun nomzodlar quyidagi talablarga javob berishi kerak:

• O‘zbekiston, Qirg‘iziston, Tojikiston, Qozog‘iston, Ozarbayjon yoki Gruziya fuqarosi bo‘lish.
• Bakalavriatning 2-kursini yakunlab, 3-kursga o‘tayotgan bo‘lish.
• GPA ko‘rsatkichi 4 lik tizimda kamida 3.0 (yoki 100 ballik tizimda 75 ball) bo‘lishi.
• Ingliz tilini yaxshi bilish (IELTS, TOEFL sertifikatlari yoki ingliz tilidagi ta’lim tajribasi).
• Yoshi 23 dan katta bo‘lmasligi.

Batafsil ma’lumot olish va talabalar uchun mo‘ljallangan boshqa imkoniyatlar bilan tanishish uchun saytimizni kuzatib boring. Shuningdek, kirish ballari yo'nalishlar kesimida ma’lumotlar bilan tanishib chiqish foydali bo‘lishi mumkin.

Hujjat topshirish tartibi

Arizalar 2023-yil 15-aprelgacha qabul qilinadi. Nomzodlar quyidagi hujjatlarni taqdim etishi shart:

• Onlayn ariza shakli.
• Xorijga chiqish pasporti nusxasi.
• Sudlanmaganlik haqida ma’lumotnoma.
• Talabalik guvohnomasi va baholar nusxasi (transkript).
• 2 ta tavsiynoma va ingliz tilidagi insho.

Barcha hujjatlar [email protected] elektron manziliga yuborilishi kerak. Qo‘shimcha ma’lumotlar uchun rasmiy manbalarni tekshiring.