JACAFA: Bakalavriat talabalari uchun 2 yil davomida 110 dollar oylik stipendiya olish imkoniyati!

Ta'lim sohasidagi eng so'nggi yangiliklar quyidagicha:

Qisqacha mazmun:
Ushbu dasturga O'zbekiston, Tojikiston, Qozog'iston, Qirg'iziston, Ozarbayjon va Gruziyadagi universitetlarda bakalavriat bosqichida o'qiyotgan talabalar ariza topshirishi mumkin.
Dasturga ariza topshirmoqchi bo'lganlar quyidagi hujjatlarni topshirishi lozim: To'ldirilgan onlayn ariza shakli.
Hozirda talaba ekanlikni tasdiqlovchi hujjat (talabalik guvohnomasi/kartasi) nusxasi.

---

Iqtidorli va yetakchilik sifatlariga ega talabalarni moddiy jihatdan qo‘llab-quvvatlash maqsadida tashkil etilgan JACAFA The Nippon Foundation Scholarship Program stipendiya dasturiga arizalar qabul qilinmoqda. Bu stipendiya ijtimoiy fanlar, kompyuter muhandisligi, IT muhandisligi va mahalliy qishloq xo'jaligi rivojlanishi sohalarida to'liq taʼlim (full-time) shaklida tahsil olayotgan talabalar uchun mo‘ljallangan.

Ushbu dasturga O'zbekiston, Tojikiston, Qozog'iston, Qirg'iziston, Ozarbayjon va Gruziyadagi universitetlarda bakalavriat bosqichida o'qiyotgan talabalar ariza topshirishi mumkin.

Grant kimlar uchun?

Bakalavriatning 2-kursida o'qiyotgan talabalar uchun

Batafsil ma’lumot uchun link

Grantning manfaatli jihatlari:

G'oliblar quyidagi imkoniyatlarga ega bo'ladi:

• 2 o'quv yili yil davomida (2023-2025-yillar) oyiga 110 AQSH dollari stipendiya taqdim etiladi. Stipendiya talabaning o'qishga oid xarajatlari va mashg'ulotlari uchun sarflanishga mo'ljallangan.
• Dastur doirasida Markaziy Osiyo davlatlarida turli tadbirlar uyushtiriladi va g'oliblar bu tadbirlarga qatnashish imkoniyatiga ega bo'ladi.
• Dasturni muvaffaqiyatli yakunlaganlar JACAFA Japan Visit Program musobaqasiga qatnashishi mumkin. Saralangan ishtirokchilar Yaponiyaga sayohat qiladi, barcha xarajatlar qoplanadi.
• Dastur bitiruvchilar kichik hajmli loyihlalar uchun yiliga 10 000 dollargacha grant olish imkoniga ega bo'ladi.

Talablar:

Nomzodlarga qo'yilgan talablar quyidagicha:

1. O'zbekiston, Qirg'iziston, Tojikiston, Qozog'iston, Ozarbayjon yoki Gruziya fuqarosi bo'lish lozim.
2. O'zbekiston uchun: faqat Toshkent shahrida joylashgan oliy taʼlim muassasalarida tajsil oluvchi talabalar ariza topshira oladi (izoh: rasmiy eʼlon bu alohida qayd etilmagan. O'tgan yili ham rasmiy eʼlonda bu alohida qayd etilmagandi, biroq Toshkent shahridan boshqa hududlarda joylashgan OTM talabalari ariza topshirganida, ularga faqat Toshkent shahridagi OTM talabalari ariza topshirishi mumkinligi aytib, ularning arizasi qabul qilinmagan. Bu talabni foundationjacafa@gmail.com emailiga xabar yozish orqali shaxsan tekshirib ko'rishingiz mumkin).
3. Nomzodning baholari o'rtachasi (GPA) 4 lik tizimda kamida 3 bo'lishi va grant berilgandan keyin ham shu ko'rsatkich pasaymasligi shart. Bu ko'rsatkich 100 ballik tizimda 75 ball, 5 ballik tizimda 3,75 ballga teng.
4. Nomzod ingliz tilini yaxshi bilishi va IELTS, TOEFL, TOEIC sertifikati yoki universitetda ingliz tilida o'qitiladigan kurslarni tamomlaganlik tajribasiga ega bo'lishi lozim.
5. Nomzodning yoshi stipendiya berila boshlaydigan vaqtda (2023-yil oktabr) 23 yoshdan katta bo'lmasligi kerak.
6. Nomzod talaba bo‘lishi va bakalavriat bosqichida 3-kursni boshlash arafasida bo'lishi lozim. Yaʼni 2023-yilning yozida 2-kursni bitiradigan talabalar ushbu dasturga ariza topshira oladi.
7. Nomzod ijtimoiy fanlar, kompyuter muhandisligi, IT muhandisligi va mahalliy qishloq xo'jaligi rivojlanishi sohalariga yoki shunga aloqador sohalarda to'liq taʼlim (full-time) shaklida tahsil olayotgan bo'lishi kerak.

Dasturga qabul jarayoni:

Arizalar O'zbekiston vaqti bilan 2023-yil 15-aprelgacha qabul qilinadi. Dasturga ariza topshirmoqchi bo'lganlar quyidagi hujjatlarni topshirishi lozim:

1. To'ldirilgan onlayn ariza shakli. Arizani BU YERDA to'ldirish va topshirish mumkin.
2. Xorijga chiqish pasporti nusxasi.
3. Sudlanmaganlik haqida maʼlumotnoma.
4. Hozirda talaba ekanlikni tasdiqlovchi hujjat (talabalik guvohnomasi/kartasi) nusxasi.
5. Universitetda olingan baholarning skanerlangan nusxasi.
6. Kamida 2 nafar universitet o'qituvchisidan tavsiynoma.
7. Ingliz tilida insho. Insho nomzodning o'zi haqida bo'lishi, uni qanday shaxs ekanini ochib berishi, jumladan, nomzodning taʼlim va tarbiyasi, eng katta yutuqlari, uning akademik va kasbiy o'sishda taʼsir ko'rsatgan tajriba va insonlar, nega aynan hozirda o'qiyotgan sohani tanlaganlik haqidagi maʼlumotlarni o'z ichiga olishi kerak.

Onlayn arizadan boshqa barcha hujjatlar foundationjacafa@gmail.com elektron pochta manziliga yuborilishi lozim.

Hujjat toppshirish bosqichidan muvaffaqiyatli o'tganlar bilan 2023-yilning may va iyun oylarida intervyu qilinadi. Intervyular onlayn tarzda amalga oshirilishi mumkin.

Yakuniy natijalar 2023-yil iyul oyida eʼlon qilinadi.

2021-yilda mazkur stipendiyani qo'lga kiritgan hamurtimizning (qiz talaba) topshirgan hujjatlari bilan BU YERDA tanishing.

2020-yilda mazkur stipendiyani qo'lga kiritgan hamurtimizning (qiz talaba) topshirgan hujjatlari bilan BU YERDA tanishing.

2021-yilda ushbu stipendiyani qo'lga kiritgan hamyurtimiz bilan suhbatni SHU YERDA o'qishingiz mumkin.

MUHIM: Ariza topshirishdan oldin dastur haqidagi rasmiy maʼlumot bilan batafsil tanishib chiqing.

Savollar yuzasidan foundationjacafa@gmail.com elektron manziliga murojaat qilishingiz mumkin.

Batafsil ma'lumot uchun oliygoh.uz saytiga tashrif buyuring.