IES Program: Germaniyada to’liq moliyalashtiriluvchi grant

IES dasturi nima?

International Excellence Scholarship (IES) — Sharqiy Yevropa, Kavkaz va Markaziy Osiyo davlatlari talabalariga Germaniyaning nufuzli universitetlarida bir semestr davomida bepul ta'lim olish imkonini beruvchi dasturdir. Bu talabalar uchun ajoyib imkoniyat hisoblanadi.

Dastur imkoniyatlari va moliyalashtirish

COPERNICUS BERLIN tomonidan tashkil etilgan ushbu dastur ikki turdagi grantni taklif qiladi:

To'liq moliyalashtiriluvchi grant

• 350 yevro kutib olish puli va 1080 yevro oylik stipendiya;
• Sayohat va tibbiy sug'urta xarajatlari qoplanadi;
• Bepul o'qish, turar joy, til kurslari va ta'lim safarlari xarajatlari to'liq qoplanadi.

Qisman moliyalashtiriluvchi grant

• Bir martalik kutib olish puli va oylik stipendiya;
• Bepul o'qish, turar joy va ta'lim tadbirlari xarajatlari qoplanadi;
• Safar va tibbiy sug'urta xarajatlari ishtirokchi tomonidan qoplanadi.

Talabalar uchun muhim talablar

Dasturda qatnashish uchun abituriyentlar va amaldagi talabalar quyidagi talablarga javob berishi kerak:

• Bakalavr, magistratura yoki doktorantura bosqichida o'qiyotgan bo'lish;
• 28 yoshdan oshmagan bo'lish;
• Nemis tilidan B1 yoki ingliz tilidan B2 daraja;
• Ijtimoiy faollik.

Eslatma: Hujjat topshirish vaqtida sertifikat talab etilmaydi, til bilish darajasi intervyu davomida aniqlanadi. Arizalar qishki semestr uchun 1-oktyabrdan 15-dekabrgacha, yozgi semestr uchun esa 1-apreldan 15-iyungacha qabul qilinadi.