Harbiylar farzandlari uchun imtiyozli kvota 2023: Muhim qoidalar
Bugungi kunda ta'lim sohasidagi eng dolzarb yangiliklardan biri — bu harbiylarning farzandlariga ajratilgan qo‘shimcha davlat granti asosidagi kvotalar va ularning o‘tish ballari masalasidir.
Mazkur imtiyozli kvota faqat abituriyent tanlagan birinchi yo‘nalish uchun amal qiladi. U ikkinchi, uchinchi va undan keyingi yo‘nalishlarga nisbatan tatbiq etilmaydi.
Shuningdek, ushbu qo‘shimcha kvota faqat kunduzgi taʼlim shakli uchun o‘rinli ekanligini unutmaslik lozim.
Kvota qanday taqsimlanadi?
Ko‘pchilikda "OTMlar yoki yo‘nalishlar kesimida o‘tish bali qanday belgilanadi?" degan savol tug‘iladi. Aslida, imtiyozli kvota aniq yo‘nalishga emas, balki vazirliklar (masalan, Mudofaa vazirligi) kesimida ajratiladi.
- Tavsiyanomaga ega abituriyentlar o‘zlari tanlagan OTMdan qatʼi nazar, umumiy ro‘yxat bo‘yicha eng yuqori ball to‘plagan 777 nafar abituriyent qatoriga kirsa, davlat granti asosida o‘qishga qabul qilinadi.
- Qolgan abituriyentlar esa o‘zlari to‘plagan ballar bilan umumiy tanlovda ishtirok etishda davom etadilar.
Agar siz oliygohlar kirish ballari bilan qiziqayotgan bo‘lsangiz yoki kirish ballari yo'nalishlar kesimida ma'lumotlarni izlayotgan bo'lsangiz, tegishli sahifalarimizga o'tishingiz mumkin.
Tavsiyanoma ball qo‘shib beradimi?
Eng ko‘p beriladigan savollardan biri: "Harbiylarning farzandlariga berilgan tavsiyanoma ball qo‘shib beradimi?" Javob: Yo‘q, hech qanday qo‘shimcha ball berilmaydi. Abituriyentlar o‘zlarining haqiqiy to‘plagan ballari bilan bellashadilar.
Bu yangilik sizning ta'lim yo'lingizga qanday ta'sir qildi? Fikrlaringizni izohlarda yozib qoldiring!
Izohlar (0)
Izoh yozish uchun tizimga kiring.