Farg‘onalik o‘quvchi Microsoft Learn Student ambassadori bo‘ldi

Farg‘onalik o‘quvchi Microsoft nufuzli dasturiga qabul qilindi

Farg‘ona viloyati 10-maktabining 11-sinf o‘quvchisi Dilafruz Jo‘raboyeva Microsoft kompaniyasining yoshlarga mo‘ljallangan Microsoft Learn Student dasturi ambassadori bo‘ldi. Bu haqda IT Ladies Uzbekistan xabar bermoqda.

Microsoft ambassadori bo‘lish yo‘li

Endilikda Dilafruz Microsoft kompaniyasining O‘zbekistondagi yuzi sifatida faoliyat olib boradi. Ushbu dastur texnologiya sohasida bilimli, faol va intiluvchan yoshlarni saralab oladigan global loyiha hisoblanadi. Dilafruzning dasturga kirishi oson bo‘lmagan. U texnik bilimlari sababli nominatsiyaga qo‘yilgan va bir yil davomida kompaniya tomonidan berilgan murakkab shartlarni bajargan. Jumladan, sun’iy intellekt bo‘yicha 30 ta modulni o‘z ichiga olgan darslarni muvaffaqiyatli yakunlagan.

Kelajak rejalari va yutuqlar

Hozirda Dilafruz Yandex kompaniyasiga stajirovkaga topshirgan. Shuningdek, u quyidagi nufuzli loyihalar ishtirokchisi:

• Microsoft Developers Community Uzbekistan
• Sado24
• .NET Documentation Uzbekistan

Dilafruz IT sohasidagi 46 nafar qizlar qatoridan joy olgan va O‘zbekistondagi top 12 ta sport dasturchi qizlar jamoasiga kirgan. O‘quvchi yoshlar uchun talabalar uchun foydali ma’lumotlar hamda kirish ballari yo‘nalishlar kesimida ma’lumotlarni o‘rganish kelajakda IT mutaxassisi bo‘lishda qo‘l keladi.