Toshkent shahrida 38-Xalqaro informatika olimpiadasi (IOI 2026) ning ochilish marosimi boshlandi. Unda 97 dan ortiq davlatdan 700 nafardan ortiq ishtirokchi qatnashmoqda.
O'zbekiston tarixida ilk bor 38-Xalqaro informatika olimpiadasi — IOI 2026 ga mezbonlik qilmoqda. 9–16-avgust kunlari Toshkent shahrida dunyoning eng iqtidorli yosh dasturchilarini birlashtirgan nufuzli xalqaro olimpiada bo'lib o'tmoqda.
Ochilish marosimini translyatsiya orqali tomosha qilish mumkin. Avvalroq O'zbekiston ilk bor Xalqaro informatika olimpiadasiga mezbonlik qilishi haqida xabar bergan edik.
Reklama
IOI — informatika sohasidagi eng nufuzli o'smirlar olimpiadasi bo'lib, unda har bir davlatdan eng yaxshi 4 nafargacha o'quvchi ishtirok etadi. Olimpiada g'oliblari xalqaro olimpiadalarda yuqori natija ko'rsatgani uchun OTMlarga imtiyozli qabul qilish huquqiga ega. InfoEdu.uz olimpiada davomidagi yangiliklarni yoritishda davom etadi.
IOI nima?
IOI (International Olympiad in Informatics) — 1989-yildan buyon har yili o'tkaziladigan xalqaro informatika olimpiadasi. Unda ishtirokchilar algoritmlar, dasturlash va informatikaga oid masalalarni yechish bo'yicha bellashadilar.
Olimpiadada har bir mamlakatdan eng yaxshi 4 nafargacha o'quvchi ishtirok etadi. Ishtirokchilar shaxsiy natijalariga ko'ra oltin, kumush va bronza medallari bilan taqdirlanadi.
Izohlar (0)
Izoh yozish uchun tizimga kiring.