Qisqacha mazmun:
Hindistonning Laknov shahridagi “City Montessori” maktabi o'quvchilar soni bo'yicha dunyodagi eng yirik maktab bo'lib, u yerda 32 000 dan ortiq ilmu tolib tahsil oladi.
Pokistonda bolalarga bepul taʼlim olish uchun qonuniy huquq berilmaydi.
Gollandiyada bolalar maktabni 4 yoshga to'lgan kunidan boshlashadi.
1. Ko'p marotaba toshqin muammolariga duch kelinganligi tufayli Bangladeshda 100 dan kam bo'lmagan qayiq maktablari mavjud. Ularning har biri Internetga ulangan, kutubxonaga ega va quyosh energiyasidan quvvat oladi.
2. Hindistonning Laknov shahridagi “City Montessori” maktabi o'quvchilar soni bo'yicha dunyodagi eng yirik maktab bo'lib, u yerda 32 000 dan ortiq ilmu tolib tahsil oladi.
3. Chilida o'quvchilar uchun yozgi taʼtillar bizdagidan farqli o'laroq, dekabr o'rtalaridan boshlanadi va mart oyining boshlarida tugaydi.
4. Saxarada 11,07 million bola boshlang'ich taʼlimini tugatmasdan maktabni tark etadi. Janubiy va G'arbiy Osiyoda bu raqam 13,54 millionga etadi.
5. Dunyodagi eng qadimgi maktab Angliyaning Kanterberi shahrida joylashgan. U 1597-yilda “Qirollik maktabi” nomi bilan tashkil etilgan. Maktab sifatli uskunalar va jihozlar bilan taʼminlangan, hozirda zamonaviy taʼlim beradigan o'quv muassasalari safiga kiradi.
6. Rivojlanayotgan, kam taʼminlangan mamlakatlarda har bir qo'shimcha taʼlim yili o'sha mamlakat fuqarosining kelajakdagi daromadini o'rtacha 10%gacha oshirishi mumkin.
7. Dunyoda eng ko'p uy vazifasini bajaradigan talabalar Xitoydagi talabalar hisoblanadi. O'smirlar haftasiga o'rtacha 14 soat davomida uy vazifasini qiladilar.
8. Pokistonda bolalarga bepul taʼlim olish uchun qonuniy huquq berilmaydi. Faqat 5 yoshdan 9 yoshgacha bo'lgan bolalar majburiy taʼlim olish huquqiga ega.
9. Gollandiyada bolalar maktabni 4 yoshga to'lgan kunidan boshlashadi. Bu jarayonda maktabdagi boshlang'ich sinf o'quvchilari soni juda tez o'zgaradi.
10. Yaponiyadagi maktablarda bolalarning o'zlari sinflarini tozalashadi va hatto, tushlikni ham o'zlari bilan olib yurishadi. Yaponiya maktablarida farrosh yoki oshxona mavjud emas.
11. Italiyaning Turin shahrida dunyodagi eng kichik maktab bor, u yerda bitta o'quvchi taʼlim oladi.
12. Eron qizlar va o'g'il bolalarga ular kollejga kirgunlariga qadar alohida taʼlim beriladigan mamlakat hisoblanadi. Mazkur davlat taʼlim tizimida maktab o'quvchilari orasida qizlar uchun faqat ayol o'qituvchilar, o'g'il bolalar uchun erkak o'qituvchilar dars beradi.
13. Braziliyada oila bilan ovqatlanish - madaniyatning muhim qismi, shuning uchun maktablar ertalab soat 07:00 da boshlanadi va tushgacha tugaydi, shunda bolalar ota-onalari bilan tushlik qilishlari mumkin bo'ladi.
14. Dam olish kuni yoki taʼtil bo'lishiga qaramay, rus bolalari maktabni har doim “Bilimlar kuni” yaʼni 1-sentyabrda boshlashadi.
15. Jahon bo'ylab eng keksa o'qituvchi faoliyati Amerikada qayd etilgan. Uning ism-familiyasi Agnes Zhelesnik bo'lib, Yoshi 101 ga to'lgan.
16. Islandiya maktablarida o'quvchilarga “trikotaj” deb nomlangan fan o'qitiladi. Jahonda boshqa mamlakatdagi maktablarda bu yo'nalishga asoslangan fanni uchratish deyarli qiyin.
Ushbu maqola orqali dunyo davlatlaridagi taʼlim tizimiga doir eng qiziqarli faktlar eʼtiboringizga havol etildi: guvohi bo'ldingizki, anʼana va urf-odatlar - turli, bilimning yetkazilish usullari - turfa.
Bu yangilik sizga qanday ta'sir qildi? Fikringizni yozib qoldiring.
Javoblar (0 )