DXX Akademiyasiga 2025-2026 qabul: Ro‘yxatdan o‘tish tartibi

DXX Akademiyasiga 2025-2026 o‘quv yili uchun qabul boshlandi

Amir Temur nomidagi O‘zbekiston Respublikasi Davlat xavfsizlik xizmati akademiyasiga 2025-2026 o‘quv yili uchun bakalavriat ta’lim yo‘nalishiga nomzodlarni saralab olish jarayoni boshlanmoqda. Bu abituriyentlar uchun o‘z kelajagini harbiy sohada ko‘rayotgan yoshlar uchun ajoyib imkoniyatdir.

Ro‘yxatdan o‘tish tartibi:
Talabgorlar joriy yilning 10-oktyabridan 10-noyabriga qadar my.uzbmb.uz sayti orqali onlayn ariza topshirishlari lozim. Saralash jarayoni Vazirlar Mahkamasining 241-sonli qarori asosida amalga oshiriladi.

Akademiyaga qabul qilingan talabalar kirish ballari yo‘nalishlar kesimida belgilangan talablarga javob berishi hamda barcha bosqichlardan muvaffaqiyatli o‘tishi kerak.

Nomzodlar uchun asosiy talablar:

• Sog‘lig‘ining holatiga ko‘ra yaroqli deb topilgan bo‘lishi;
• Bo‘yi 170 sm dan past bo‘lmagan bo‘lishi;
• 17 yoshdan 23 yoshgacha bo‘lgan ta’lim muassasalari bitiruvchilari;
• 18 yoshdan 25 yoshgacha bo‘lgan rezervdagi harbiy xizmatga majburlar;
• Qurolli Kuchlar safida xizmat qilayotgan harbiy xizmatchilar;
• 26 yoshgacha bo‘lgan, bakalavriatda o‘qish istagidagi 1- va 2-kurs talabalari.

Saralashdan muvaffaqiyatli o‘tgan nomzodlar o‘qishni birinchi kursdan boshlaydilar. Siz bu yangilikka qanday qaraysiz? Izoh qoldiring.