2025-yildan “Oliy bosh qo‘mondon” stipendiyasi joriy etiladi

2025-yilda yoshlar uchun yangi imtiyoz va stipendiyalar

Prezident farmoniga binoan, 2025/2026 o‘quv yilidan boshlab O‘zbekiston yoshlari uchun rag‘batlantiruvchi dasturlar va yangi imtiyozlar tizimi yo‘lga qo‘yiladi. Bu o‘zgarishlar talabalar uchun ham, bo‘lajak abituriyentlar uchun ham muhim imkoniyatlar eshigini ochadi.

“Oliy bosh qo‘mondon” davlat stipendiyasi

Yangi tartibga ko‘ra, oliy harbiy ta’lim muassasalarining eng namunali kursantlari va tinglovchilari uchun maxsus “Oliy bosh qo‘mondon” davlat stipendiyasi ta’sis etiladi. Bu stipendiya iqtidorli harbiy xizmatchilarni moddiy va ma’naviy rag‘batlantirishga qaratilgan.

Muhandislik-ixtirochilik olimpiadalari va grantlar

Kelgusi o‘quv yilidan boshlab:

• Muhandislik-ixtirochilik yo‘nalishida olimpiadalar tashkil etiladi.
• G‘olib bo‘lgan bitiruvchilar davlat OTMlariga imtihonlarsiz, qo‘shimcha davlat granti asosida qabul qilinadi.
• Ushbu imtiyozlar faqat olimpiada yo‘nalishiga mos va turdosh mutaxassisliklar uchun amal qiladi. Kirish ballari yo'nalishlar kesimida batafsil ma’lumot olishingiz mumkin.

Ilm-fan va ekologiyani qo‘llab-quvvatlash

Yoshlarning salohiyatini yuzaga chiqarish maqsadida:

• Milliy mediakontentlar yaratish uchun 100 million so‘mgacha grantlar ajratiladi.
• “Yashil tashabbuslar” jamg‘armasi tashkil etilib, unga 10 milliard so‘mgacha mablag‘ yo‘naltiriladi.

Ushbu ma’lumotlar rasmiy manbalarga asoslangan.