Abituriyentlar uchun ro'yxatdan o'tish bo'yicha qo'llanma
Ta'lim sohasidagi eng so'nggi yangiliklar va abituriyentlarni qiynayotgan savollarga batafsil javoblarni taqdim etamiz. Abituriyentlar uchun barcha dolzarb ma'lumotlar bu yerda.
Hujjatlar va diplomdagi xatoliklar
Savol: Abituriyentlar diplomlarini hali qo'lga olishmagan bo'lsa, qanday hujjat topshiradi?
Javob: Joriy yil bitiruvchilari uchun shahodatnoma va diplom ma'lumotlari tegishli vazirliklar bazasidan avtomatik olinadi, shuning uchun ularni kiritish shart emas.
Savol: Diplomdagi ma'lumotlarda xatolik bo'lsa-chi?
Javob: Ma'lumotlar bazasi vazirliklar tomonidan yangilanmoqda. Ro'yxatdan o'tish yakunlangunga qadar to'g'ri ma'lumotlar DTM bazasiga yuklanadi.
OTM va yo'nalish tanlash
Savol: Uchta ta'lim shakli (kunduzgi, kechki, sirtqi) bo'yicha topshirish mumkinmi?
Javob: Ha, nomzodlar fanlar majmuasi bir xil bo'lgan taqdirda, beshtagacha yo'nalishni istalgan ta'lim shaklida tanlashlari mumkin. Batafsil ma'lumot uchun kirish ballari yo'nalishlar kesimida sahifasini tekshiring.
Imtiyozlar va sertifikatlar
Savol: Yetim bolalar uchun qanday imtiyozlar bor?
Javob: "Mehribonlik" uyi bitiruvchilari uchun davlat granti asosida qo'shimcha kvotalar ajratilgan va ular to'lovdan ozod etilgan.
Savol: IELTS sertifikati uchun imtiyoz qanday beriladi?
Javob: Ingliz tilidan maksimal ball olish uchun sertifikat darajasi B2 va undan yuqori (IELTS 5,5 va undan yuqori) bo'lishi shart.
Texnik masalalar
Savol: Pasport olmagan bo'lsam nima qilaman?
Javob: Tumaningizdagi Migratsiya va fuqarolikni rasmiylashtirish bo'limiga murojaat qilishingiz tavsiya etiladi.
Savol: Ro'yxatdan o'tganimni qanday bilaman?
Javob: "Shaxsiy kabinet"dagi "Qabul-2020" bo'limida "To'lovingiz muvaffaqiyatli amalga oshirildi!" degan yozuv chiqishi kerak.
Izohlar (0)
Izoh yozish uchun tizimga kiring.