6-yo‘nalishni tanlash uchun video qo‘llanma

Oliy ta‘limga kira olmagan, biroq 56,7 ball va undan yuqori to‘plagan abituriyentlar vakant o‘rinlarga qo‘shimcha tanlovda ishtirok etishi mumkin. Quyida qaysi yo‘nalishlar borligi va qanday tartibda tanlash kerakligi keltirilgan.

Kirish imtihonida 56,7 ball va undan yuqori to‘plagan, biroq talabalikka tavsiya etilmagan abituriyentlar hamda ro‘yxatdan o‘tishning ikkinchi bosqichida OTM va yo‘nalish tanlamaganlar ishtirok etadi. Tanlov faqat test topshirgan fanlar majmuasi va ta‘lim tiliga mos yo‘nalishlar bo‘yicha o‘tkaziladi. Agar mos vakant o‘rin qolmagan bo‘lsa, bu toifadagi abituriyentlarga ishtirok etish imkoniyati berilmaydi. Ro‘yxatdan o‘tganlarning to‘plagan ballari ketma-ketligi qat‘iy hisobga olingan holda, vakant o‘rinlarga abituriyentlar bazaviy to‘lov-kontrakt asosida talabalikka tavsiya etiladi.

Ro‘yxatdan o‘tish uchun my.uzbmb.uz saytidagi shaxsiy kabinet orqali “Vakant o‘rinlari qolgan bakalavriat yo‘nalishlariga tanlovda ishtirok etish” bo‘limiga kiriladi. Shu yerda “Xizmatdan foydalanish” tugmasi bosiladi va “Oliy ta‘lim tashkilotlarini tanlash” bo‘limiga o‘tiladi.

Test topshirgan fanlar majmuasi va ta‘lim tiliga mos keladigan yo‘nalishlardan beshtagacha OTM va yo‘nalishni, ta‘lim shakli bilan birga tanlash mumkin. Yo‘nalishlarni bitta OTMdan yoki turli OTMlardan tanlash mumkin.

Yo‘nalishlarni tanlab, “Saqlash” tugmasi bosilgach, telefon raqamiga SMS xabar yuboriladi. SMS qilingan besh xonali raqam dasturga kiritilib, ma‘lumotlar tasdiqlanadi. Tasdiqlangach abituriyentga qayt varaqasi shakllanadi — unda tanlangan OTMlar, yo‘nalishlar va ta‘lim shakllari aks etadi. “Yuklab olish” tugmasi orqali abituriyent qayt varaqasini yuklab oladi. Ta‘lim yo‘nalishlarini tanlash muddati tugagunga qadar o‘z ma‘lumotlarini o‘zgartirish va qayt varaqasini qayta yuklab olish mumkin. Vakant o‘ringa murojaat qilish haqida vakant o‘rinlarga kirish imkoniyati batafsil yozgan edik. InfoEdu.uz orqali ta‘limga oid eng muhim yangiliklarni muntazam kuzatib boring.