Abituriyentlar uchun 2024-yilgi qabul jarayoni
Oliy ta’lim muassasalariga kirish istagida bo‘lgan abituriyentlar uchun qabul jarayoni qachon boshlanishi eng dolzarb masalalardan biridir. Bilimni baholash agentligi ma’lumotlariga ko‘ra, abituriyentlarni ro‘yxatdan o‘tkazish 20-iyundan 20-iyulga qadar (shu kuni ham) amalga oshiriladi.
Qabul jarayonining muhim sanalari va tartibi
Agar siz ijodiy imtihon o‘tkaziladigan chet tili yo‘nalishlariga hujjat topshirmoqchi bo‘lsangiz, qabul jarayoni 10-iyulda yakunlanishini yodda tuting. Ro‘yxatdan o‘tish jarayoni to‘liq onlayn tarzda my.uzbmb.uz va my.gov.uz saytlari orqali amalga oshiriladi.
- Abituriyentlar o‘z tanlovlarini amalga oshirishda kirish ballari yo'nalishlar kesimida tahlil qilib chiqishlari tavsiya etiladi.
- Tayyorgarlik jarayonida bilim darajangizni DTM standartidagi test tizimi yordamida tekshirib ko‘rishingiz mumkin.
Kerakli hujjatlar ro‘yxati
Ro‘yxatdan o‘tish uchun abituriyentlardan atigi 2 ta hujjat talab etiladi:
- Biometrik pasport yoki ID-karta;
- Umumiy o‘rta ta’lim olganligini tasdiqlovchi hujjat (attestat yoki diplom).
Siz bu yangilikka qanday qaraysiz? Fikr va mulohazalaringizni izoh qoldirish orqali bildiring.
Izohlar (0)
Izoh yozish uchun tizimga kiring.