Maktab ta'limida katta o'zgarishlar: Fanlar qisqarmoqda
O‘zbekiston maktab tizimida muhim yangilik e’lon qilindi. Endilikda yuqori sinf o‘quvchilari uchun o‘qitiladigan fanlar soni 16 tadan 11 taga qisqartiriladi.
10-11 sinflar uchun yangi ta'lim yo'nalishlari
Oliygohga kirish niyatidagi o‘quvchilar uchun quyidagi fanlar majmuasi chuqurlashtirib o‘qitiladi:
- Kimyo – biologiya
- Matematika – fizika
- Matematika – chet tili
- Ona tili va adabiyot – chet tili
Bu o‘zgarishlar abituriyentlarga oliygohlar kirish ballariga tayyorgarlik ko‘rishda muhim ahamiyat kasb etadi. Shuningdek, kasb-hunar egallash istagidagi o‘quvchilar uchun maktabning o‘zida mutaxassis bo‘lib yetishish imkoniyati yaratiladi.
Ta'lim tizimidagi yangiliklar
Vazirlik tomonidan 135 ta maktabda tajriba-sinov tariqasida yo‘lga qo‘yilayotgan ushbu tizim kelgusida 1 mingta maktabda joriy etiladi. Dars mazmuniga ham o‘zgartirishlar kiritilib, 1-sinfdan kompyuter savodxonligi, yuqori sinflarda esa moliyaviy savodxonlik darslari kiritiladi.
Maktab ta’limini rivojlantirish doirasida maktab darsliklarini yuklab olish va yangi darsliklar bilan ishlash jarayoni ham jadallashmoqda. Bu yil darsliklar uchun byudjetdan 920 milliard so‘m ajratildi.
Siz ushbu o‘zgarishlar haqida qanday fikrdasiz? Fikrlaringizni izohlarda yozib qoldiring.
Izohlar (0)
Izoh yozish uchun tizimga kiring.