Polshada bepul ta’lim: Vistula University grant dasturi
Polshaning nufuzli oliygohlaridan biri bo‘lgan Vistula University hamda Vistula School of Hospitality xalqaro talabalar uchun ajoyib imkoniyatni taqdim etmoqda. Yuqori akademik ko‘rsatkichlarga ega bo‘lgan yoshlar bakalavriat va magistratura bosqichlarida 100% gacha grant asosida tahsil olishlari mumkin.
Ushbu dastur barcha davlat fuqarolari uchun ochiq bo‘lib, har yili o‘rtacha 70 nafarga yaqin xalqaro talabalar moliyaviy qo‘llab-quvvatlanadi. Talabalar uchun xorijda ta’lim olish kelajakdagi karyera uchun katta qadamdir.
Grant miqdori va talablar
Grant dasturi 1-o‘quv yili uchun kontrakt to‘lovini 100% qoplab beradi. Nomzodlar uchun qo‘yiladigan asosiy talablar quyidagilardir:
- Polsha fuqarosi bo‘lmaslik;
- Yuqori akademik ko‘rsatkichlarga ega bo‘lish;
- Ingliz tilini bilish darajasi: IELTS 6.0 yoki unga teng sertifikat.
Qabul jarayoni va muddatlar
Dasturda ishtirok etish uchun onlayn ro‘yxatdan o‘tish va ro‘yxatdan o‘tish to‘lovini amalga oshirish zarur. Abituriyentlar uchun qabul muddatlari quyidagicha:
- Mart oyidagi o‘quv kurslari uchun: 15-yanvargacha;
- Oktabr oyidagi o‘quv kurslari uchun: 20-avgustgacha.
Batafsil ma’lumotlar bilan ushbu PDF hujjat orqali tanishib chiqishingiz mumkin. Savollar yuzasidan [email protected] elektron pochtasiga murojaat qiling.
Izohlar (0)
Izoh yozish uchun tizimga kiring.