École Normale Supérieure stipendiyasi: Fransiyada ta'lim oling
Har yili tashkil etiladigan École Normale Supérieure (ENS) stipendiya dasturi xalqaro talabalarga Fransiyaning poytaxti Parij shahrida gumanitar, tabiiy va aniq fanlar hamda san’at yo‘nalishlari bo‘yicha magistratura yoki ENS diplomi darajasida bepul ta'lim olish imkonini beradi. Bu talabalar uchun ajoyib imkoniyatdir.
Stipendiya miqdori va imtiyozlar
Dastur g‘oliblari quyidagi imtiyozlarga ega bo‘lishadi:
- 3 yil davomida oyiga 1000 yevro miqdorida stipendiya;
- Universitet yotoqxonasida bepul turar-joy;
- Aviachipta xarajatlarining qisman qoplanishi.
Saralash bosqichlari va talablar
Grantga da’vogarlar a’lo darajadagi akademik ko‘rsatkichlarga ega bo‘lishlari va 2 bosqichli imtihondan o‘tishlari kerak: hujjatlar asosida saralash hamda Parijda og‘zaki va yozma imtihon.
Asosiy talablar:
- Nomzodlar 26 yoshdan kichik bo‘lishi lozim (istisnolar mavjud);
- So‘nggi yillarda Fransiyada 10 oydan ortiq yashamagan bo‘lish;
- Chet el universitetida kamida 1-2 yil bakalavriat bosqichini tamomlagan bo‘lish;
- Oldin ENS uchun ariza topshirmagan bo‘lish.
Fan yo‘nalishlari bo‘yicha 10 ta, san’at va gumanitar fanlar bo‘yicha esa 10 ta stipendiya ajratiladi. Abituriyentlar uchun ta'lim sifatini oshirish muhim ahamiyat kasb etadi.
Batafsil ma’lumot va ariza topshirish uchun rasmiy saytga kiring.
Izohlar (0)
Izoh yozish uchun tizimga kiring.