Texnikum bitiruvchilari uchun OTMga imtihonsiz kirish tartibi
O‘zbekiston Respublikasi Vazirlar Mahkamasining 2022-yil 11-yanvardagi 17-sonli qaroriga muvofiq, texnikumlarni muvaffaqiyatli tamomlagan yoshlar uchun oliy ta’lim muassasalariga o‘qishga kirishda katta imtiyozlar belgilangan. Endilikda bitiruvchilar o‘z sohasiga mos yo‘nalishlar bo‘yicha oliygohlar kirish ballari bilan bog'liq test sinovlarisiz, to‘g‘ridan-to‘g‘ri suhbat asosida 2-kursdan o‘qishni davom ettirishlari mumkin.
Suhbatga tavsiya etilish shartlari
Bitiruvchi imtiyozli asosda talaba bo‘lishi uchun quyidagi akademik talablarga javob berishi lozim:
- O‘qish davridagi barcha fanlardan o‘zlashtirish ko‘rsatkichi faqat “4” (yaxshi) va “5” (a’lo) bo‘lishi shart;
- Umumiy o‘zlashtirish baholarining kamida 50 foizi “5” (a’lo) bo‘lishi kerak;
- Tibbiyot yo‘nalishidagi OTMlar uchun a’lo baholar ulushi kamida 85 foizni tashkil etishi lozim.
Eslatib o‘tamiz, ushbu tartib asosida o‘qishga qabul qilish faqat to‘lov-kontrakt asosida amalga oshiriladi. Mazkur imkoniyat texnikum bitiruvchilariga o‘z mutaxassisligi bo‘yicha oliy ma’lumot olish jarayonini tezlashtirish imkonini beradi.
Izohlar (0)
Izoh yozish uchun tizimga kiring.