Xususiy oliygohlar uchun ta’lim krediti: Qonuniy asoslar

Xususiy oliygoh talabalari uchun ta'lim krediti ajratiladimi?

Ko'plab talabalar bank xodimlaridan "xususiy oliygohlarga ta'lim krediti bermaymiz" degan noto'g'ri ma'lumotlarni eshitishmoqda. Aslida, bu holat davlat siyosatiga mutlaqo zid.

Ta'lim krediti olish huquqingizni biling

Prezidentning 2022-yildagi 323-sonli qaroriga muvofiq, ta’lim krediti O‘zbekiston Respublikasida faoliyat yuritayotgan barcha xususiy, xorijiy va davlat oliy ta’lim tashkilotlarida kunduzgi shaklda tahsil olayotgan barcha talabalarga ajratiladi. Shuningdek, talabalar uchun yaratilgan imkoniyatlar qatorida:

• PF-87-son Farmoniga asosan xotin-qizlar uchun 0% (foizsiz) ta’lim krediti;
• Yigitlar uchun Markaziy bankning asosiy stavkasi (13,5%) asosida kreditlar ajratilishi belgilangan.

Bank xodimlariga qanday javob berish kerak?

Agar bank xodimi kredit berishni rad etsa, ulardan yozma ravishda asoslantirilgan javob talab qiling. Qonuniy hujjatlar (323-sonli qaror va PF-87-son Farmon) sizning tomoningizda. O'z huquqlaringizni himoya qilishdan qo'rqmang. Oliy ta'lim muassasalari haqidagi qo'shimcha ma'lumotlarni esa saytimiz orqali kuzatib borishingiz mumkin.

Siz bu yangilikka qanday qaraysiz? Fikrlaringizni izohlarda qoldiring.