Universitetga qabul qilinib, onlayn kontrakt shartnomasini rasmiylashtiryapsizmi? holda kontrakt.edu.uz platformasida “Shartnoma turini tanlash” bandiga yetib borgan boʻlishingiz kerak. Bu yerda ikki tomonlama va uch tomonlama shartnoma turlaridan birini tanlash talab etiladi, ammo ularning farqini hamma ham aniq bilmaydi. Toʻgʻri tanlov qilish — keraksiz savol va xatolardan qochishning eng oson yoʻli.
Eng avvalo, abituriyentlar va talabalar kontrakt toʻlovini amalga oshirish uchun kontrakt.edu.uz platformasida onlayn ariza beradi. Aynan shu bosqichda qaysi turdagi shartnoma sizga mosligini aniqlash muhim.
Ikki tomonlama shartnoma qachon tanlanadi
Ikki tomonlama shartnoma — bu toʻgʻridan-toʻgʻri OTM va abituriyent oʻrtasida tuziladi. Bu tartib quyidagi hollar uchun moʻljallangan:
- Toʻlovni abituriyent oʻzining shaxsiy mablagʻi hisobidan amalga oshirmoqchi boʻlsa;
- Kontrakt pulini ota-onasining oylik maoshidan toʻlamoqchi boʻlsa;
- Bankdan taʼlim krediti olib toʻlamoqchi boʻlsa.
Yaʼni, agar super-kontrakt yoki kontrakt uchun pulni abituriyent oʻz hisobidan toʻlamoqchi boʻlsa, shu bandni tanlash kifoya. Bunda shartnomada faqat OTM va talaba ishtirok etadi.
Uch tomonlama shartnoma qachon tanlanadi
Uch tomonlama shartnoma — bu OTM, abituriyent va bitta homiy tashkilot oʻrtasida tuziladi. Agar kontrakt yoki super-kontrakt pulini abituriyentning oʻzi emas, balki biror homiy tashkilot toʻlab bermoqchi boʻlsa, aynan shu tur tanlanadi.
Bunda homiy korxonaning STIR raqami shartnomaga kiritilishi talab etiladi. Shuning uchun tanlovni boshlashdan oldin homiy tashkilotning toʻlovga roziligi va rekvizitlarini tayyorlab qoʻyish kerak.
Qisqa qilib: pulni kim toʻlamoqchi boʻlsa — oʻzingizmi yoki homiy tashkilotmi, shartnoma turi aynan shunga qarab tanlanadi. Xato tanlov oxirida shartnoma mojarosiga olib kelishi mumkin.
Toʻlovni boʻlib toʻlash imkoniyati
Shartnoma turidan qatʼi nazar, talabalarga bir yillik kontrakt toʻlovini 4 qismga boʻlib toʻlash imkoniyati beriladi. Dastlabki 25 foiz qismini 1-oktyabrgacha toʻlash talab etiladi. Bu — moliyaviy yukni yengillashtirish boʻyicha muhim imkoniyat, shuning uchun muddatni oʻtkazib yubormaslik kerak. Kontraktni boʻlib toʻlashda qaysi sanalar muhimligini oldindan bilish uchun kontraktni boʻlib toʻlash sanalari haqidagi maqolaga murojaat qilishingiz mumkin.
Xulosa qilib, shartnoma turini toʻgʻri tanlash kontrakt jarayonining eng muammosiz davom etishini taʼminlaydi. Biz kontrakt va toʻlov masalalari boʻyicha yangiliklarni kuzatib, tahliliy yoritib boramiz.
Reklama
Izohlar (0)
Izoh yozish uchun tizimga kiring.