Red Bull Basement: Talabalar uchun xalqaro innovatsion tanlov

Red Bull Basement nima?

Red Bull Basement — bu yosh talabalarning dunyoni yaxshi tomonga o‘zgartiradigan texnologik va ijodiy g‘oyalarini qo‘llab-quvvatlashga qaratilgan yirik xalqaro loyihadir. Milliy hamkor sifatida IT Park ishtirok etadi.

Tanlovning maqsadi — talabalarni birlashtirib, ularni kelajakka ijobiy ta’sir ko‘rsatadigan konstruktiv yechimlar yaratishga undashdir. Agar sizda innovatsion g‘oya bo‘lsa, talabalar uchun tashkil etilgan ushbu imkoniyatni qo‘ldan boy bermang.

Tanlovda qatnashish shartlari

Ishtirok etish uchun tadbirkor yoki ixtirochi bo‘lish shart emas. Asosiy talablar:

• O‘zbekiston fuqarosi bo‘lgan 18 yoshdan oshgan talaba bo‘lish.
• Ingliz tilida ravon muloqot qila olish.
• Jamoa bir yoki ikki kishidan iborat bo‘lishi mumkin.
• O‘z g‘oyasini 60 soniyali video orqali taqdim etish (ingliz yoki rus tilida, inglizcha subtitr bilan).

Videoni https://basement.redbull.com saytiga yuklash kerak. Videoning sifati emas, g‘oyaning dolzarbligi muhim.

G‘oliblikka erishish bosqichlari

Tanlov jarayoni bir necha bosqichdan iborat:

• Ovoz berish: Jamoatchilik qo‘llab-quvvatlashi hakamlar qaroriga ta’sir qiladi.
• Milliy hakamlar hay’ati: Eng yaxshi loyihalar g‘oya ta’siri, ijodkorligi va ovozlar soniga ko‘ra saralanadi.
• Xalqaro final: Milliy bosqich g‘oliblari tajribali ustozlar bilan ishlash va xalqaro miqyosda o‘z g‘oyalarini namoyish etish imkoniga ega bo‘ladi.

Loyihalar tana va ong, ekologiya, ta’lim, aqlli shaharlar va energiya manbalari kabi sohalarni qamrab olishi mumkin. Abituriyentlar va talabalar uchun yangiliklar hamda ta’limga oid ma’lumotlarni kuzatib boring.

Qo‘shimcha ma‘lumot uchun rasmiy havola: https://basement.redbull.com/ru-ru