Qoraqalpog’istonda 280 ta maktabga toza ichimlik suvi qurilmasi o’rnatiladi

Qoraqalpog'iston Respublikasidagi 280 ta maktabda "Toza ichimlik suvi" loyihasi doirasida ichimlik suvi qurilmalarini o'rnatish va ularni oldindan o'rnatilgan suv tozalash uskunalariga ulash ishlari boshlandi.

Toza ichimlik suvidan foydalanish imkoniyati sog'lom va farovon bolalikning muhim tarkibiy qismi hisoblanadi. Loyiha BMTning 4-BRM — Sifatli ta'lim va 6-BRM — Toza suv va sanitariya yo'nalishidagi Barqaror rivojlanish maqsadlariga erishishga muhim hissa qo'shadi.

Loyiha o'quvchilarga nima beradi?

Ichimlik suvi qurilmalari o'quvchilarning toza ichimlik suvidan foydalanish imkoniyatini kengaytirib, ta'lim jarayonida qulay sharoitlar yaratadi va maktab o'quvchilarining hayot sifatini oshiradi.

Ma'lumot Zamin Foundation va uzedu kanali orqali tarqatildi. InfoEdu.uz ta'lim sohasidagi loyihalar bo'yicha yangiliklarni yoritishda davom etadi.