O‘qituvchi va murabbiylar uchun imtiyozlar: To‘liq ro‘yxat

O‘zbekiston o‘qituvchilari uchun qanday imtiyozlar mavjud?

1-oktyabr – “Ustoz va murabbiylar kuni” arafasida pedagog xodimlarning huquq va manfaatlarini himoya qilish, ularni moddiy hamda ma’naviy qo‘llab-quvvatlash davlatimiz siyosatining ustuvor yo‘nalishlaridan biridir. Qonunchilikda o‘qituvchilar uchun qanday imtiyozlar belgilangan?

Pedagoglar uchun asosiy huquq va imtiyozlar

• Tibbiy ko‘rik: 01.02.2024-yildagi O‘RQ-901-son Qonuniga muvofiq, bolalarga ta’lim-tarbiya beruvchi barcha pedagoglar doimiy ravishda bepul tibbiy ko‘rikdan o‘tkaziladi.
• Mehnat ta’tili: Davlat ta’lim tashkilotlari pedagoglari uchun 56 kunlik yillik haq to‘lanadigan uzaytirilgan ta’til kafolatlanadi.
• Ish vaqti: Mehnat kodeksiga ko‘ra, pedagoglarning ish vaqti haftasiga ko‘pi bilan 36 soat etib belgilangan.

Ustama va moddiy rag‘batlantirishlar

O‘qituvchilarning oylik ish haqiga qo‘shimcha ustamalar quyidagicha taqsimlanadi:

• Sertifikat egalari: Xalqaro va milliy milliy sertifikatga ega o‘qituvchilarga tarif stavkasiga nisbatan 50 foizgacha ustama to‘lanadi.
• Olimpiada g‘oliblari: Xalqaro olimpiadalar g‘oliblariga 150 foiz, respublika bosqichi g‘oliblariga esa 100 foiz miqdorida ustama belgilanadi.
• Faoliyat samaradorligi: Maktab o‘qituvchilariga 10-40 foiz, psixolog va kutubxonachilarga 10-20 foizgacha ustamalar beriladi.
• Olis hududlar: Olis hududlarda faoliyat yuritayotgan o‘qituvchilar uchun 50 foizgacha ustamalar ko‘zda tutilgan.
• Inklyuziv ta’lim: Inklyuziv sinf o‘qituvchilariga 40 foizgacha ustama to‘lanadi.

Attestatsiya va ijtimoiy himoya

Pedagogik faoliyat bo‘yicha 25 yil va undan ko‘p ish stajiga ega bo‘lgan, pensiya yoshiga 5 yildan kam qolgan xodimlar majburiy pedagog attestatsiya jarayonidan ozod etiladi. Shuningdek, xodim yoki uning yaqin qarindoshlari vafot etganda, og‘ir kasallikka chalinganda yoki tabiiy ofatdan zarar ko‘rganda ikki lavozim maoshi miqdorida moddiy yordam ko‘rsatiladi.

Manba: infoedu.uz sayti ma’lumotlari asosida tayyorlandi.