Abituriyentlar soni qancha? 2024-yilgi qabul statistikasi

Abituriyentlar soni: 2024-yilgi qabul statistikasi

Oliy ta’lim muassasalarining bakalavriat bosqichiga o‘qishga kirish uchun onlayn ro‘yxatdan o‘tgan abituriyentlarning umumiy soni 357 424 nafarni tashkil etdi. Ushbu maqolada qabul jarayoniga oid eng muhim raqamlar bilan tanishasiz.

Ta’lim tili va shakli bo‘yicha taqsimot

Abituriyentlarning ta’lim tili bo‘yicha tanlovlari quyidagicha ko‘rinish oldi:

• O‘zbek tili — 308 524 nafar;
• Rus tili — 40 290 nafar;
• Qoraqalpoq tili — 7 376 nafar;
• Boshqa tillar — 1 234 nafar.

Ta’lim shakllari kesimida esa kunduzgi ta’lim eng katta ulushga ega:

• Kunduzgi ta’lim — 239 777 nafar;
• Sirtqi ta’lim — 105 627 nafar;
• Kechki ta’lim — 9 303 nafar;
• Masofaviy ta’lim — 2 717 nafar.

Eng ko‘p abituriyent hujjat topshirgan OTMlar

Abituriyentlar orasida eng ommabop bo‘lgan Oliy ta’lim muassasalari ro‘yxati (birinchi ta’lim yo‘nalishiga nisbatan):

1. O‘zbekiston milliy universiteti — 13 827 nafar;
2. O‘zbekiston davlat jahon tillari universiteti — 12 083 nafar;
3. Toshkent axborot texnologiyalari universiteti — 11 113 nafar;
4. Toshkent davlat pedagogika universiteti — 11 021 nafar;
5. Toshkent davlat iqtisodiyot universiteti — 10 782 nafar.

Agar siz ham o‘z yo‘nalishingizni tanlayotgan bo‘lsangiz, kirish ballari yo‘nalishlar kesimida ma’lumotlar bilan tanishib chiqishni tavsiya qilamiz. Shuningdek, abituriyentlar uchun mo‘ljallangan foydali qo‘llanmalarimizni kuzatib boring.

Hududlar bo‘yicha statistik ma’lumotlar

Doimiy yashash hududi bo‘yicha eng faol abituriyentlar Samarqand, Qashqadaryo va Toshkent viloyatlari hissasiga to‘g‘ri keladi.

Eslatma: Hujjatlar my.uzbmb.uz yoki my.gov.uz platformalari orqali 20-iyul kuniga qadar onlayn qabul qilinadi.