Professional ta’lim muassasalariga kirish testlari 2023

Professional ta'lim muassasalariga kirish test sinovlari: Sanalar va tartib

2023-2024-o‘quv yili uchun professional ta’lim muassasalari (kollej va texnikum) ga kirish test sinovlari 2023-yil 26-29-sentabr kunlari o‘tkaziladi. Abituriyentlar uchun ushbu jarayon ikki smenada tashkil etiladi.

Test sinovlari vaqti va fanlar majmuasi

Test sinovlari quyidagi vaqtlarda bo‘lib o‘tadi:

• 1-smena: 08:00 dan 11:00 ga qadar;
• 2-smena: 15:00 dan 18:00 ga qadar.

Imtihonlar kasb va mutaxassislikka mos 2 ta fan hamda 3 ta majburiy fan (ona tili, matematika, O‘zbekiston tarixi)dan iborat. Talabgorlarga jami 90 ta test topshirig‘i uchun 3 soat vaqt ajratiladi. Kirish ballari yo'nalishlar kesimida ma'lumot olish orqali o'zingizni tayyorlashingiz mumkin.

Baholash tizimi va muhim tavsiyalar

Maksimal ball – 189 ball. Har bir to‘g‘ri javob uchun:

• 1-mutaxassislik fanida — 3,1 ball (jami 93 ball);
• 2-mutaxassislik fanida — 2,1 ball (jami 63 ball);
• Majburiy fanlarda — 1,1 ball (jami 33 ball).

Talabgorlar ruxsatnomani my.uzbmb.uz saytidan yuklab olishlari hamda test boshlanishidan kamida 1 soat oldin shaxsini tasdiqlovchi hujjat bilan kelishlari shart.