O‘quvchilarni darsdan chiqarib yuborish qonuniy huquqmi?
Ko‘plab o‘qituvchilarni qiziqtirgan savol: maktab tartib qoidalariga bo‘ysinmaydigan o‘quvchilarni darsdan chiqarib yuborishga haqqim bormi? Javob aniq: o‘quvchilarni darslarga kechikkani yoki maktab formasining yo‘qligi uchun darsdan chiqarib yuborish qat'iyan man etiladi.
Qonuniy asoslar va taqiqlar
Maktabga kelgan o‘quvchini dars vaqtida qarovsiz qoldirish yoki turli bahonalar bilan darsdan haydash me’yoriy hujjatlarda nazarda tutilmagan. Ta’lim jarayoni kamsitishga yo‘l qo‘ymaslik va hurmat prinsiplariga asoslanishi shart.
Xalq ta’limi vazirligining 246-sonli buyrug‘iga ko‘ra, o‘qituvchilar quyidagilarga haqli emas:
- O‘quvchilarni asossiz ravishda darsdan chiqarib yuborish yoki kiritmaslik;
- O‘quvchilarni darsga kechikkani yoki o‘quv qurollari yo‘qligi uchun jazolash;
- "Chiqish" qo‘ng‘irog‘idan keyin o‘quvchilarni sinfxonada ushlab o‘tirish.
O‘qituvchi o‘z ustida ishlashi va dars sifatini oshirishi uchun pedagog kadrlar attestatsiyasi bo‘yicha yangiliklardan xabardor bo‘lishi muhim.
Tartibni buzgan o‘quvchilarga qanday chora ko‘riladi?
Agar o‘quvchi ichki tartib qoidalarini buzsa, o‘qituvchi quyidagi pedagogik choralarni qo‘llashi mumkin:
- Kundalikka tanbeh yozish;
- O‘quvchini maktab ichki nazorat ro‘yxatiga olish;
- Yakka tartibda suhbatlar o‘tkazish;
- Ota-onalarni maktabga taklif qilish va "Oila-mahalla-ta’lim muassasasi" kengashi doirasida muhokama qilish.
Shuningdek, o‘quvchilarning darslardagi muvaffaqiyatini oshirish uchun maktab darsliklarini yuklab olish va ulardan samarali foydalanish maqsadga muvofiqdir. Mazkur qoidalarga rioya etilmagan holatlar Kuzatuv kengashlarida ko‘rib chiqilishi mumkin.
Izohlar (0)
Izoh yozish uchun tizimga kiring.