Maktabga qabul jarayonida ota-onalarni qiziqtiradigan asosiy savollardan biri — bolani maktabga qabul qilish rad etilishi mumkinmi, degan masaladir.
Amaldagi tartibga ko‘ra, maktab qabul komissiyasi faqat qonunchilikda belgilangan ayrim holatlarda bolani qabul qilishni rad etishi mumkin.
Bolani maktabga qabul qilish qachon rad etiladi?
Reklama
Quyidagi uch holatda qabulni rad etishga ruxsat beriladi:
- tibbiy ma’lumotnomada bolaning maktabda o‘qishi tavsiya etilmagan bo‘lsa;
- tanlangan ta’lim tilida bolaning boshlang‘ich muloqot ko‘nikmasi mavjud bo‘lmasa;
- hujjat topshirishda taqdim etilgan ma’lumotlarning noto‘g‘riligi aniqlansa.
Boshqa holatlarda rad etish mumkin emas
Yuqorida sanab o‘tilgan holatlardan tashqari, bolani maktabga qabul qilishni rad etishga yo‘l qo‘yilmaydi.
Shuning uchun ota-onalar qonunchilikda nazarda tutilmagan sabablar bilan qabul rad etilgan taqdirda, tegishli tartibda murojaat qilish huquqiga ega.
Kamchiliklar bartaraf etilgach qayta hujjat topshirish mumkin
Agar qabul rad etilishiga sabab bo‘lgan kamchiliklar bartaraf etilsa, ota-onalar yoki qonuniy vakillar bolani maktabga qabul qilish uchun hujjatlarni qayta topshirishi mumkin.
Izohlar (0)
Izoh yozish uchun tizimga kiring.