O‘qituvchi o‘quvchiga kuch ishlatishi mumkinmi? Qoidalar

O‘qituvchilar o‘quvchiga nisbatan jismoniy kuch ishlatishi mumkinmi?

Maktabgacha va maktab ta’limi vazirining 2023-yil 31-avgustdagi 282-sonli buyrug‘i bilan «Umumiy o‘rta ta’lim muassasasining takomillashtirilgan namunaviy odob-axloq qoidalari» tasdiqlandi. Ushbu hujjat pedagoglar va o‘quvchilar o‘rtasidagi munosabatlarni tartibga soluvchi muhim me’yoriy hujjat hisoblanadi.

Agar siz ta’lim sohasidagi yangiliklar bilan qiziqsangiz, talabalar uchun foydali ma’lumotlarni va abituriyentlar uchun kerakli qo‘llanmalarni saytimizdan topishingiz mumkin.

Pedagoglarga qo‘yiladigan asosiy talablar

Tasdiqlangan qoidalarga ko‘ra, o‘qituvchilar quyidagi xatti-harakatlarga qat’iy rioya qilishlari shart:

• O‘quvchilarga nisbatan jismoniy kuch ishlatish yoki ruhiy tazyiq o‘tkazish holatlariga yo‘l qo‘ymaslik;
• O‘quvchilarning shaxsiga doir ma’lumotlarni sinfdoshlar oldida muhokama qilmaslik;
• O‘quvchini ommaviy izza qilmaslik;
• O‘quvchilar chet elga chiqib ketgan taqdirda, bu haqida o‘z vaqtida muassasa rahbariyatini xabardor qilish;
• O‘quvchining ota-onasi yoki ularning qonuniy vakillari bilan shaxsiy adovatga bormaslik;
• Ta’lim muassasasi to‘g‘risidagi axborotlardan uning manfaatlari va obro‘yiga ziyon yetkazish uchun yoki o‘z manfaatlari yo‘lida foydalanmaslik;
• O‘quvchilarga ibrat bo‘lib, shaxsiy namuna ko‘rsatish, ular bilan do‘stona munosabatda bo‘lish;
• Ta’lim muassasasi manfaatlariga zid bo‘lgan xatti-harakatlardan tiyilish va bunday holatlarni oldini olish;
• Biror-bir noxush voqea yoki hodisa ro‘y bersa, zudlik bilan ta’lim muassasasi rahbariyatini xabardor qilish;
• Yoshlar orasida sog‘lom turmush tarzini keng targ‘ib qilish, ularni zararli odatlardan va jamiyatimiz uchun yot bo‘lgan ta’sirlardan ogoh etib borish;
• Mazkur qoidalarni haftaning juma kunlarida o‘tkaziladigan “Sinf soati” darslarida o‘quvchilarga keng tushuntirib borish.

Ushbu ma’lumotlar rasmiy manbalardan olingan bo‘lib, barcha ta’lim muassasalari uchun majburiy hisoblanadi.