Onlayn malaka oshirish kurslari: 17 ta yangi yo‘nalish
Ta’lim tizimini rivojlantirish va pedagoglar salohiyatini oshirish maqsadida A. Avloniy nomidagi milliy-tadqiqot instituti muhim yangilikni e’lon qildi. Hozirda “Uzluqsiz kasbiy ta’lim” elektron platformasida 2024-yil uchun 17 ta yo‘nalish bo‘yicha onlayn malaka oshirish kurslari faollashtirildi.
Qaysi yo‘nalishlar bo‘yicha o‘qish mumkin?
Pedagoglar quyidagi fan va yo‘nalishlar bo‘yicha o‘z malakalarini oshirishlari mumkin:
- Iqtisodiy bilim asoslari
- Nemis tili
- Boshlang‘ich ta’lim
- Biologiya
- Musiqa madaniyati
- Informatika va axborot texnologiyalari
- Rus tili va adabiyoti
- Rus tili (o‘zbek va qardosh tillardagi sinflarda)
- Ona tili va adabiyoti
- Davlat va huquq asoslari
- Maxsus maktab-internatlari tarbiyachilari (o‘zbek)
- Fizika
- Kimyo
- Ingliz tili
- Tarbiya
- Geografiya
- Amaliyotchi psixologlar
Eslatib o‘tamiz, pedagoglar o‘z ustida ishlashni davom ettirishlari uchun pedagog kadrlar attestatsiyasi jarayonlariga tayyorgarlik ko‘rishlari hamda maktab darsliklari bilan yaqindan tanishib borishlari tavsiya etiladi.
Kelgusi rejalar
Qolgan fanlar bo‘yicha ham onlayn malaka oshirish kurslari qisqa fursatda bosqichma-bosqich faollashtiriladi. Ta’lim sohasidagi eng so‘nggi yangiliklarni kuzatib boring.
Izohlar (0)
Izoh yozish uchun tizimga kiring.