O‘zbekiston va AQSH o‘rtasidagi ta’lim hamkorligi yangi bosqichga chiqmoqda — maktab direktorlarining malakasini oshirish hamda maktab psixologlarining kasbiy salohiyatini rivojlantirish bo‘yicha yangi yo‘nalishlar muhokama qilindi, deya xabar bermoqda Ta’limni rivojlantirish markazi.
Uchrashuv qayerda bo‘lib o‘tdi?
Joriy yilning 18-avgust kuni Vashington shahrida Ta’limni rivojlantirish respublika ilmiy-metodik markazi va Xalqaro ta’lim bo‘yicha Amerika kengashi rahbariyati o‘rtasida uchrashuv bo‘lib o‘tdi. Uchrashuv O‘zbekistonning AQSHdagi elchixonasi ko‘magida tashkil etilgan.
Reklama
Muzokaralarda ikki ustuvor yo‘nalish — O‘zbekiston maktab direktorlarining AQSHda malakasini oshirish hamda maktab psixologlarining kasbiy salohiyatini rivojlantirish masalalari yuzasidan fikr almashildi.
Qanday kelishuvga erishildi?
Muzokaralar yakunida muhokama qilingan yo‘nalishlar bo‘yicha hamkorlikka jalb etilishi mumkin bo‘lgan tegishli tashkilotlar va malakali ekspertlar ro‘yxatini shakllantirish, shuningdek, ular uchun aniq malaka va tanlov mezonlarini ishlab chiqish bo‘yicha kelishuvga erishildi.
Avvalroq rektorlar maktabi bitiruvchilarining Harvard universitetida malaka oshirishi haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.