Abituriyent ruxsatnomasidagi vaqt: Nega 1,5 soat farq bor?

Test sinovlariga ruxsatnoma vaqti haqida

Joriy yilda 3 yillik tanaffusdan so‘ng test sinovlari yana yopiq binolarda o‘tkaziladi. Shu sababli test vaqtlari ham o‘zgardi: 1-smena soat 08:00 da, ikkinchi smena esa soat 15:00 da boshlanadi.

Ko‘plab abituriyentlarda savol tug‘iladi: Nega ruxsatnomada 1-smena uchun 06:30, 2-smena uchun esa 13:30 vaqti ko‘rsatilgan?

Nega aynan 1,5 soat oldin kelish kerak?

Ruxsatnomadagi vaqt — bu test boshlanish vaqti emas, balki abituriyentning test o‘tkaziladigan hududga yetib kelishi kerak bo‘lgan vaqtidir. Bunga quyidagi sabablar mavjud:

• Tekshiruv jarayoni: Abituriyentlar bir necha bosqichli nazorat va tekshiruvdan o‘tishadi.
• Kechikishlarning oldini olish: Har yili yuzlab abituriyentlar kechikib kelishi oqibatida testga kiritilmaydi va bir yili yo‘qqa chiqadi.
• Ruhiy tayyorgarlik: Shoshilib kelish stressni oshiradi, bu esa test natijasiga salbiy ta’sir qiladi.

Tavsiya etamiz: testga kamida 1 soat vaqtliroq keling va o‘z joyingizni xotirjam egallang. Shuningdek, abituriyentlar uchun foydali maslahatlar bilan tanishib borishni unutmang.

Muhim eslatmalar

Testga kirish uchun quyidagilar majburiy:

• Pasport (asli).
• Abituriyent ruxsatnomasi (qog‘oz shaklida chop etilgan bo‘lishi shart).

Eslatib o‘tamiz, oliy o‘quv yurtlariga kirishda oliygohlar kirish ballari bilan oldindan tanishib chiqish sizga to‘g‘ri tanlov qilishda yordam beradi.