Stajyor-o‘qituvchilar uchun kasbiy sertifikatlash tartibi
Maktabgacha va maktab ta’limi vazirining 2024-yil 22-fevraldagi 51-son buyrug‘iga asosan, umumiy o‘rta ta’lim muassasalariga pedagog sifatida birinchi marta ishga qabul qilingan oliy ma’lumotli mutaxassislar stajyor-o‘qituvchi sifatida faoliyat yuritadi. Ularning kasbiy mahoratini baholash uchun kasbiy sertifikatlash sinovlari joriy etilgan.
Sertifikatlash sinovlariga qanday ro‘yxatdan o‘tish kerak?
Talabgorlar nazorat sinovlarida qatnashish uchun quyidagi usullardan foydalanishlari mumkin:
- Davlat xizmatlari markazlariga shaxsan tashrif buyurgan holda;
- Yagona interaktiv davlat xizmatlari portali (my.gov.uz) orqali onlayn ro‘yxatdan o‘tish.
Ta’lim muassasasi rahbarlari o‘z vaqtida pedagog kadrlarni ushbu sinovlarga jalb etish uchun mas’ul hisoblanadilar.
Nazorat sinovlari jarayoni va talablari
Nazorat sinovlari fanlar kesimida quyidagicha davom etadi:
- Matematika, fizika, kimyo, biologiya, informatika va axborot texnologiyalari: 120 daqiqa;
- Gumanitar fanlar: 90 daqiqa.
Pedagoglar o‘z faoliyatlari davomida pedagog attestatsiya jarayonlari va malaka oshirish tizimi haqida doimiy xabardor bo‘lib borishlari tavsiya etiladi. Shuningdek, yangi ish boshlagan o‘qituvchilar uchun maktab darsliklarini yuklab olish imkoniyati ham mavjud.
Sertifikatlash natijalari
Nazorat sinovlarida 56 va undan yuqori ball to‘plagan pedagoglar sertifikatga ega bo‘ladilar. Belgilangan muddatda sertifikat ololmagan yoki yetarli ball to‘play olmagan xodimlar bilan tuzilgan mehnat shartnomasi qonunchilikka muvofiq bekor qilinishi mumkin. Birinchi marta sertifikat olish uchun to‘lov undirilmaydi.
Izohlar (0)
Izoh yozish uchun tizimga kiring.