Kirish imtihonlari fanlari nega kech e’lon qilinadi?

Kirish imtihonlari fanlar majmuasi nima uchun kech e'lon qilinadi?

Abituriyentlar uchun eng muhim masalalardan biri — bu kirish imtihonlarida qaysi fanlardan test topshirishidir. Biroq, bu ma'lumotlar ko'pincha o'quv yili boshida emas, balki kechiktirib e'lon qilinadi.

Qonunchilik nima deydi?

Amaldagi qonunchilikka ko'ra, oliy ta'lim muassasalariga kirish imtihonlari fanlar majmuasi Oliy ta'lim, fan va innovatsiyalar vazirligi tomonidan tasdiqlanadi hamda imtihon sinovlari boshlanishidan kamida 6 oy oldin e'lon qilinishi shart.

Abituriyentlar uchun qiyinchiliklar

O'tgan yili fanlar majmuasi dekabr oyi oxirida tasdiqlangan edi. Aslida, vazirlik bu ro'yxatni yangi o'quv yili boshlanishi bilan, ya'ni sentyabr oyidayoq e'lon qilishi mumkin. Buning ahamiyati katta:

• Abituriyentlar tayyorgarlikni muddatidan oldin aniq fanlar asosida boshlaydi.
• Fanlar majmuasi yilning o'rtasida o'zgarsa, bu abituriyentlarning tayyorgarlik jarayoniga salbiy ta'sir ko'rsatadi.

Tayyorgarlik jarayonida kirish ballari yo'nalishlar kesimida ma'lumotlar bilan tanishib borish va abituriyentlar uchun mo'ljallangan yangiliklarni kuzatib borish maqsadga muvofiqdir.

Manba: infoedu.uz sayti ma'lumotlari asosida tayyorlandi.