Kimlar test sinovi uchun to‘lov qilishmaydi? (Imtiyozlar)

Test sinovi uchun to‘lovdan ozod etilgan abituriyentlar toifasi

Oliy ta'lim muassasalariga kirish test sinovlarida ishtirok etish uchun abituriyentlar bazaviy hisoblash miqdorining (BHM) yarim baravari miqdorida to‘lovni amalga oshirishlari shart. Biroq, qonunchilikka ko‘ra, ayrim toifadagi abituriyentlar ushbu to‘lovdan to‘liq ozod etilgan.

Kimlar to‘lovdan ozod qilingan?

Prezident qarorlari va farmonlariga muvofiq, quyidagi shaxslar test sinovi uchun to‘lov to‘lashmaydi:

• Joriy yilda ta’lim muassasalarini (maktab, akademik litsey va kasb-hunar maktablari) tamomlagan bitiruvchilar;
• Nogironligi bo‘lgan shaxslar;
• To‘liq davlat ta’minotidagi shaxslar (Mehribonlik uylari va Bolalar shaharchalari bitiruvchilari);
• "Ijtimoiy himoya yagona reyestri" axborot tizimida ro‘yxatga olingan shaxslar va ularning farzandlari;
• "Yoshlar daftari"ga kiritilgan yoshlar.

Agar siz kirish ballari yo'nalishlar kesimida ma'lumotlarni o'rganayotgan bo'lsangiz yoki abituriyentlar uchun foydali maslahatlarni izlayotgan bo'lsangiz, ushbu imtiyozlarni inobatga olishingiz muhim.

To‘lov holatini qanday tekshirish mumkin?

To‘lovdan ozod etilgan abituriyentlar uchun invoys shakllantirilmaydi. Qayd varaqasining quyi qismida abituriyentning aynan qaysi asosga ko‘ra to‘lovdan ozod etilgani haqidagi ma’lumot aks etadi.