KAUST VSRP: Saudiya Arabistonida nufuzli amaliyot dasturi
Saudiya Arabistonining yetakchi tadqiqot instituti — KAUST (King Abdullah University of Science and Technology) xalqaro talabalar uchun VSRP (Visiting Student Research Program) to‘liq moliyalashtiriladigan amaliyot dasturiga qabulni e’lon qildi. Dunyo bo‘ylab tadqiqotlar reytingida 16-o‘rinni egallab turgan ushbu universitetda amaliyot o‘tash har bir talaba uchun katta imkoniyatdir.
Dastur afzalliklari va imtiyozlar
KAUST VSRP amaliyoti doirasida tanlab olingan 130 nafar talaba quyidagi imtiyozlarga ega bo‘ladi:
- Viza xarajatlari qoplanadi;
- Ikki tomonlama aviachiptalar;
- Bepul turar joy (xususiy yotoqxona);
- Tibbiy sug‘urta;
- Oylik 1000$ stipendiya;
- Madaniy va ijtimoiy tadbirlarda qatnashish imkoniyati.
Kimlar topshirishi mumkin?
Dasturda bakalavriatning 3-4-bosqich talabalari, magistratura va doktorantura bosqichida tahsil olayotganlar ishtirok etishi mumkin. Asosiy talablar:
- GPA ko‘rsatkichi 3.50/4.00 dan yuqori bo‘lishi;
- Ingliz tilini mukammal bilish;
- Oziq-ovqat, muhandislik, kompyuter texnologiyalari, biznes va suv resurslari kabi sohalarga qiziqish.
O‘zingizni qiziqtirgan kirish ballari yo'nalishlar kesimida tahlil qilib, kelajakdagi imkoniyatlaringizni baholang. Shuningdek, talabalar uchun mo‘ljallangan boshqa foydali xalqaro dasturlar bilan tanishib borishni tavsiya etamiz.
Kerakli hujjatlar
Ariza topshirish uchun CV, akademik ma’lumotnoma (ingliz yoki arab tilida), shaxsiy bayonot (Personal Statement), tavsiya maktublari va pasport nusxasi talab etiladi. Dastur yil davomida ochiq bo‘lib, nomzodlar o‘zlariga mos loyihalarni tanlashlari mumkin.
Izohlar (0)
Izoh yozish uchun tizimga kiring.