Janubiy Koreyada 100% grant: GIST magistratura va PhD dasturi

Janubiy Koreyada magistratura va PhD uchun 100% grant dasturi

Janubiy Koreyaning yetakchi texnologiya universitetlaridan biri bo‘lgan Gwangju Institute of Science and Technology (GIST) axborot texnologiyalari (IT) yo‘nalishi bo‘yicha magistratura (MA) va doktorantura (PhD) bosqichlari uchun to‘liq moliyalashtiriladigan grant dasturini e’lon qildi. Jami 300 ga yaqin o‘rin ajratilgan ushbu dastur xalqaro talabalar uchun ajoyib imkoniyatdir.

Grantning asosiy imtiyozlari

GIST grant dasturi talabalarning barcha xarajatlarini qoplashga qaratilgan:

• Kontrakt to‘lovi 100% qoplanadi;
• Magistratura talabalari uchun oylik stipendiya: 140,000 Won (~120$);
• Doktorantura talabalari uchun oylik stipendiya: 295,000 Won (~210$);
• Oziq-ovqat uchun qo‘shimcha 85$ ajratiladi (talab qilinadigan kreditlar yig‘ilganda);
• Yuqori akademik ko‘rsatkichli talabalarga qo‘shimcha 100$ rag‘batlantirish;
• Xalqaro aviachipta xarajatlari va tibbiy sug‘urtaning 80% qismi qoplanadi.

Ilmiy loyihalar uchun moliyaviy yordam

Ilmiy tadqiqotlar bilan shug‘ullanuvchi talabalar uchun bir martalik yirik mablag‘lar ajratiladi:

• Magistratura bosqichi uchun: o‘rtacha 4,100$;
• Doktorantura bosqichi uchun: o‘rtacha 10,500$.

Qanday qilib hujjat topshirish mumkin?

Dasturda ishtirok etish uchun onlayn ariza to‘ldirishingiz lozim. Talab etiladigan hujjatlar:

• Diplom va baholar ilovasi (notarial tasdiqlangan);
• Pasport nusxasi;
• Til bilish sertifikati (IELTS 6.5, TOEFL 80 va boshqalar).

Eslatma: Nomzodlar qabul qilingandan so‘ng bir martalik 571$ miqdorida to‘lovni amalga oshirishlari kerak. Moliyaviy qiyinchilikka ega talabalar ushbu to‘lovdan ozod etilish uchun tegishli tartibda murojaat qilishlari mumkin.

Chet elda ta’lim olish va oliygohlar yo‘nalishlari haqida batafsil ma’lumotlarni talabalar uchun ajratilgan bo‘limimizda kuzatib boring.