Ixtisoslashtirilgan maktablarga kirish imtihonlari 2024
Ta’lim sohasidagi eng so‘nggi yangiliklarga ko‘ra, joriy yilning 25-26-iyul kunlari nufuzli ixtisoslashtirilgan maktablarga kirish imtihonlari bo‘lib o‘tadi.
Imtihon sanalari
Imtihonlar quyidagi tartibda o‘tkaziladi:
- 25-26-iyul: Muhammad al-Xorazmiy nomidagi ixtisoslashtirilgan maktab;
- 26-iyul: Mirzo Ulug‘bek hamda Abu Ali ibn Sino nomidagi ixtisoslashtirilgan maktablari.
Eslatib o‘tamiz, talabgorlarga topshiriqlarni bajarish uchun 90 daqiqa vaqt ajratilgan bo‘lib, javoblar varag‘ini belgilash uchun qo‘shimcha vaqt berilmaydi. DTM standartidagi test tizimi orqali o‘z bilimingizni oldindan sinab ko‘rishingiz mumkin.
Imtihon o‘tkaziladigan manzillar
Imtihonlar quyidagi manzillarda tashkil etiladi:
- “O‘zekspomarkaz” milliy ko‘rgazmalar majmuasi
- Moliya instituti qoshidagi “Oliy o‘quv yurtlariaro sport majmuasi”
Har bir talabgorning ariza.piima.uz saytiga kiritilgan telefon raqamlariga SMS-xabarnoma yuboriladi. Shundan so‘ng, imtihon o‘tkaziladigan joy va vaqt to‘g‘risidagi ma’lumotni shaxsiy kabinetingiz orqali yuklab olishingiz mumkin. Abituriyentlar uchun barcha yangiliklarni kuzatib boring.
Batafsil ma’lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.